ଭୁବନେଶ୍ବର: ପୋଲିସ ଆଖିରେ ଧୂଳି ଦେଇ ଚାଲିଥିଲା ଗୋ ଚାଲାଣ । 16 ଚକିଆ କଣ୍ଟେନରକୁ ଜବତ କରିଲା ଏସଟିଏଫ। ମାର୍ବଲ ଗାଡି ଆଳରେ ପଶ୍ଚିମବଙ୍ଗ ଚାଲାଣ ବେଳେ ମାଡିବସିଲା ଏସଟିଏଫ । ଯାଜପୁର ଜିଲ୍ଲା ପାଣି କୋଇଲି ଥାନା ଅନ୍ତର୍ଗତ ସାହା ପଡିଆ ହାଟ ନିକଟରେ ଠାବ କରିଛି ଏସଟିଏଫ୍ ଟିମ୍ ।
ଗୋଚାଲାଣ
ଓଡିଶାରୁ ପଶ୍ଚିମବଙ୍ଗକୁ ବେଧଡକ ଗୋରୁ ଚାଲାଣ ନେଇ କୌଣସି ସୁତ୍ରରୁ ଖବର ପାଇଥିଲା ଏସଟିଏଫ । ଯାହାକୁ ଆଧାର କରି ତନାଘନା ଆରମ୍ଭ କରିଥିଲା ଏସଟିଏଫ । ତେବେ ରବିବାର ଯାଜପୁର ପାଣିକୋଇଲିରୁ ଟ୍ରକଟି ପଶ୍ଟିମବଙ୍ଗ ଯାଉଥିବା ବେଳେ ଯାଜପୁର ଜିଲ୍ଲା ପାଣି କୋଇଲି ଥାନା ଅନ୍ତର୍ଗତ ସାହା ପଡିଆ ହାଟ ନିକଟରେ ଠାବ କରିଥିଲା ଏସଟିଏଫ୍ ଟିମ୍ । ଏହି ଘଟଣାରେ 2 ଅଭିଯୁକ୍ତଙ୍କୁ ଗିରଫ କରିବା ସହ 34 ହଜାର ଟଙ୍କା କ୍ୟାସ ଜବତ କରାଯାଇଛି । 2 ଗିରଫ ଅଭିଯୁକ୍ତ ହେଲେ କମ୍ ଶିୟାଜୁଦିନ ଖାନ ଓ ମହମ୍ମଦ କରିମ । ୧୬ଚକିଆ ଟ୍ରକରେ ୧୫୫ଟି ଗୋରୁ ଚାଲାଣ ହେଉଥିବା ଜଣାପଡ଼ିଛି ।