ପାରାଦ୍ବୀପ: ବିଭିନ୍ନ ଅଭିଯୋଗ ନେଇ ଆଜି ଜଗତସିଂହପୁର ଜିଲ୍ଲା ବିଜେପି ଉପରେ ବର୍ଷିଛି କୁଜଙ୍ଗ ବିଜୁ ଜନତା ଦଳ(Kujang BJD targeted BJP) । ଏହାକୁ ନେଇ କୁଜଙ୍ଗ କଲ୍ୟାଣ ମଣ୍ଡପରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା । କୁଜଙ୍ଗ ଥାନା ପରିସରରେ ବିଜେପି ନେତା ଓ କର୍ମୀଙ୍କ ଧାରଣା ଦିଆଯିବା( BJP dharna in kujang police station ), ଡାକବାଜି ଯନ୍ତ୍ର ଦ୍ବାରା ଭାଷଣ ଦେବା ଏବଂ ବିଧାୟକ ସମ୍ବିତ ରାଉତରାୟଙ୍କ ବିରୋଧରେ ମିଥ୍ୟାରୋପ ଲଗାଇବାକୁ ବିରୋଧ କରିଛି ବିଜେଡି ।
ଖାଲି ସେତିକି ନୁହେଁ, ବିଜେପି ନେତା ସମ୍ପଦ ସ୍ବାଇଁଙ୍କ ଆଇନ୍ ବିରୋଧୀ କାର୍ଯ୍ୟକୁ ବିରୋଧ କରିଛି ବିଜେଡି । ଗଣେଶ ପୂଜା ଭସାଣୀ ବେଳେ କୁଜଙ୍ଗ ବଉଳାଙ୍ଗ ଗ୍ରାମରେ ଗଣ୍ଡଗୋଳ ହୋଇଥିଲା । ଏହି ସମୟରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଥିଲା । ଏହି ଘଟଣା ପୋଲିସ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହାପରେ ବି ବିଜେପି ଏହି ଘଟଣାକୁ ନେଇ କୁଜଙ୍ଗ ଥାନା ପରିସରରେ ଧାରଣାରେ ବସିଥିଲା । ତାସହିତ ବିଧାୟକ ସମ୍ବିତ ରାଉତରାୟ ବିରୋଧରେ ବିଜେପି ଆକ୍ଷେପ କରିଥିଲା ।