ଶ୍ରୀମନ୍ଦିର ଚାରିଦ୍ୱାର ଖୋଲିବାକୁ ଦାବି, ଜଗତସିଂହପୁରରେ ଜଗନ୍ନାଥ ସେନାର ବିକ୍ଷୋଭ

Jagannath Sena Protests: ଶ୍ରୀମନ୍ଦିର ଚାରିଦ୍ୱାର ଖୋଲିବା ପାଇଁ ଜଗତସିଂହପୁରରେ ଗର୍ଜିଛି ଜଗନ୍ନାଥ ସେନା । ଶ୍ରୀମନ୍ଦିର ପ୍ରକଳ୍ପ କାର୍ଯ୍ୟ ଶେଷ ହେବା ମାତ୍ରେ ଚାରି ଦ୍ୱାର ଖୋଲିବାକୁ ଦାବି କରିଛି ଜଗନ୍ନାଥ ସେନାର ।ଅଧିକ ପଢନ୍ତୁ

ଜଗତସିଂହପୁର: ପୁରୀ ଶ୍ରୀମନ୍ଦିର ଚାରିଦ୍ୱାର ଖୋଲିବାକୁ ନେଇ ଜଗତସିଂହପୁରରେ ଗର୍ଜିଛି ଜଗନ୍ନାଥ ସେନା । ଆଜି(ଶନିବାର) ଅପରାହ୍ନରେ ଜଗତସିଂହପୁର ଉପକଣ୍ଠ ସିଦ୍ଧ ବାରଙ୍ଗ ପୀଠ ଜଗନ୍ନାଥଙ୍କ ମନ୍ଦିରରେ ଜଗନ୍ନାଥ ସେନା ପକ୍ଷରୁ ଶ୍ରୀମନ୍ଦିର ଚାରିଦ୍ୱାର ଭକ୍ତମାନଙ୍କ ପାଇଁ ଖୋଲିବା ସହିତ ମହାପ୍ରଭୁଙ୍କ ରତ୍ନ ଭଣ୍ଡାର ଖୋଲିବା ପାଇଁ ଦାବି କରିଥିଲେ । ଜଗନ୍ନାଥ ସେନାର ଆବାହକ ପ୍ରିୟଦର୍ଶନ ପଟ୍ଟନାୟକ ମହାପ୍ରଭୁଙ୍କ ନିକଟରେ ଦୀପଦାନ କରିବା ସହିତ ତୁରନ୍ତ ଚାରିଦ୍ୱାର ଖୋଲିବା ପାଇଁ ଦାବି କରିଛନ୍ତି ।

ଜଗନ୍ନାଥ ସେନାର ଆବାହକ ପ୍ରିୟଦର୍ଶନ ପଟ୍ଟନାୟକ କହିଛନ୍ତି,"ଗତ ନଭେମ୍ବର4 ତାରିଖରେ ଶ୍ରୀମନ୍ଦିର ପରିଚାଳନା କମିଟି ନିଷ୍ପତ୍ତି ମୁତାବକ ରତ୍ନ ଭଣ୍ଡାରର କେବଳ ଲେଜର ସ୍କାନିଂ କରାଯିବ । କିନ୍ତୁ ରତ୍ନ ଗଣତି କରାଯିବ ନାହିଁ । ଏହାକୁ ଜଗନ୍ନାଥ ସେନା ଘୋର ବିରୋଧ କରୁଛି । ଚାରିଦ୍ୱାର ନଖୋଲି ଏବେ ସରକାର ବଡ଼ଦାଣ୍ଡରେ ଶୀତତାପ ଟନେଲ କରିବା ପାଇଁ ଯୋଜନା ପ୍ରସ୍ତୁତ କରିଛନ୍ତି । ଫଳରେ ଚାରିଦ୍ୱାର ନଖୋଲିବାର ଷଡ଼ଯନ୍ତ୍ର ପଦାକୁ ଆସିଛି ।"ଏହା ସହ ଭିଆଇପିମାନେ କାହିଁକି ସାଇଡରେ ଏବଂ ସାଧାରଣ ଲୋକମାନେ କାହିଁକି ଲାଇନରେ ଯିବେ ବେଲି ପ୍ରଶ୍ନ କରିଛନ୍ତି ।

ଏହା ମଧ୍ୟପଢନ୍ତୁ.....୧୮ରେ ଶ୍ରୀଜିଉଙ୍କ ଓଢଣ ଷଷ୍ଠୀ ପର୍ବ, ଶୀତ ବସ୍ତ୍ର ପରିଧାନ କରିବେ ମହାପ୍ରଭୁ

ଶ୍ରୀମନ୍ଦିର ଚାରିଦ୍ୱାର ୪ଦ୍ୱାର ବନ୍ଦ ହେତୁ ଭକ୍ତମାନେ ନାନା ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ କରିଛି ଜଗନ୍ନାଥ ସେନା । ମହାପ୍ରଭୁଙ୍କ ଦର୍ଶନ କରିବାକୁ ଯାଇ ଅଯଥା କୁତ୍ରିମ ଗହଳି ସୃଷ୍ଟି କରାଯାଉଛି । ଯାହାକୁ ନେଇ ଭକ୍ତଟିଏ କାଳିଆ ଶାଆନ୍ତଙ୍କ ଦର୍ଶନରୁ ବଞ୍ଚିତ ହୋଇ ବାଧ୍ୟ ହୋଇ ଫେରି ଆସୁଛି । ଏହାସହ ପ୍ରଶାସନିକ ଅଧିକାରୀମାନଙ୍କ ଏକ ଚାଟିଆ ନିଷ୍ପତ୍ତି ଯୋଗୁଁ ଲୋକେ ଏହି ପ୍ରକାର ହଇରାଣ ହରକତ ହେଉଥିବା ଅଭିଯୋଗ କରିଛି ଜଗନ୍ନାଥ ସେନା । ତେଣୁ ଭକ୍ତ ମାନଙ୍କ ସୁରକ୍ଷିତ ଦର୍ଶନ ଓ ସୁବିଧା ପାଇଁ ଶ୍ରୀମନ୍ଦିର ପ୍ରକଳ୍ପ କାର୍ଯ୍ୟ ଶେଷ ହେବା ମାତ୍ରେ ଚାରି ଦ୍ୱାରକୁ ସରକାର ଖୋଲିବା ପାଇଁ ଦାବି କରିଛନ୍ତି ଜଗନ୍ନାଥ ସେନାର ଆବାହକ ପ୍ରିୟଦର୍ଶନ ପଟ୍ଟନାୟକ । ଯଦି ସରକାର ଏହା ନକରନ୍ତି ଆଗାମୀ ଦିନରେ ଆନ୍ଦୋଳନ ଖାଲି ପୁରୀ କାହିଁକି ସମଗ୍ର ରାଜ୍ୟ ଓ ରାଜ୍ୟ ବାହାରେ କରାଯିବ ବୋଲି ଚେତାବନୀ ଦେଇଛନ୍ତି ।

ଏହା ମଧ୍ୟ ପଢନ୍ତୁ.....ଶ୍ରୀମନ୍ଦିରରେ ପଲିଥିନ ବ୍ୟବହାରକୁ ନା, କଟକଣା ଲଗାଇଲା ପ୍ରଶାସନ

ଇଟିଭି ଭାରତ, ଜଗତସିଂହପୁର