ବଲାଙ୍ଗୀର: ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡ ଘଟଣାରେ ସାରା ଓଡ଼ିଶାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହି ମାମଲା ଏବେ ଜାତୀୟ ସ୍ତରରେ ପହଞ୍ଚିଥିବାବେଳେ ରବିବାର ଜାତୀୟ ମହିଳା କଂଗ୍ରେସ ସଭାନେତ୍ରୀ ବଲାଙ୍ଗୀର ଝରଣି ଗ୍ରାମରେ ପୀଡ଼ିତା ପରିବାରକୁ ଭେଟିଛନ୍ତି ।
ବଲାଙ୍ଗୀର ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡ ସାରା ଦେଶରେ ପ୍ରତିକ୍ରିୟା ସୃଷ୍ଟି କରିଛି । ଜାତୀୟ ମହିଳା କଂଗ୍ରେସ ସଭାନେତ୍ରୀ ନିତା ଡି’ସୁଜା ବଲାଙ୍ଗୀର ଗସ୍ତ କରି ପୀଡିତା ପରିବାରକୁ ଭେଟିଛନ୍ତି। ହତ୍ୟାକାଣ୍ଡର ଶିକାର ମମିତାର ଗାଁ ବଲାଙ୍ଗୀର ଝରଣୀ ଗ୍ରାମକୁ ଗସ୍ତ କରିଥିଲେ। କଂଗ୍ରେସ ଏକ ବିରାଟ ଶୋଭାଯାତ୍ରାରେ ପୀଡ଼ିତା ଘରକୁ ଯାଇ ପହଞ୍ଚିଥିଲେ। ସେହିପରି ପୀଡ଼ିତାଙ୍କ ପରିବାର ବର୍ଗଙ୍କ ସହ ଏହି ଚାରି ଜଣିଆ ଦଳ ବିସ୍ତୃତ ଆଲୋଚନା କରିବା ସହ ସାନ୍ତ୍ବନା ଦେଇଥିଲେ। ପରିବାରକୁ ସାକ୍ଷାତ୍ କରିବା ପରେ କଂଗ୍ରେସ ଜାତୀୟ ମହିଳା ସଭାନେତ୍ରୀ ନୀତା ଡି ସୁଜା ଗଣମାଧ୍ୟମ ଜରିଆରେ ନିଜର ଦାବି ରଖିଥିଲେ। ଯେଉଁଥିରେ ସେ ଏହି ବର୍ବର ହତ୍ୟାକାଣ୍ଡକୁ ତୀବ୍ର ନିନ୍ଦା କରିବା ଶହ ଦୋଷୀକୁ କଠୋର ଦଣ୍ଡ ଦାବି କରିଥିଲେ।