ମେଲବୋର୍ଣ୍ଣ:ଚଳିତ ଅଷ୍ଟ୍ରେଲିଆନ ଓପନ ଟେନିସ ଟୁର୍ଣ୍ଣାମେଣ୍ଟରୁ ବାଦ୍ ପଡିଲେ ଭାରତୀୟ ଟେନିସ ଷ୍ଟାର ସାନିଆ ମୀର୍ଜା । ମିକ୍ସଡ ଡବଲ୍ସ କ୍ବାର୍ଟର-ଫାଇନାଲ ମୁକାବିଲାରେ ସାନିଆ ଓ ତାଙ୍କର ଆମେରିକୀୟ ପାର୍ଟନର ରାଜୀବ ରାମ ପରାସ୍ତ ହୋଇଛନ୍ତି ।
ଫଳରେ ପ୍ରତିଯୋଗିତାରେ ଉଭୟଙ୍କର ଅଭିଯାନ ଶେଷ ହୋଇଛି । ମାରଗାରେଟ କୋର୍ଟ ଏରେନାରେ ଖେଳାଯାଇଥିବା କ୍ବାର୍ଟର-ଫାଇନାଲରେ ଜେସନ କୁଲବର ଓ ଜେମି ଫୁରଲିସଙ୍କ ଠାରୁ ପରାଜିତ ହୋଇଛନ୍ତି ସାନିଆ ଓ ରାଜୀବ ଯୋଡି । କୁଲବର ଓ ଫୁରଲିସ ୬-୪, ୭-୬ ସିଧାସଳଖ ସେଟ୍ରେ ସାନିଆ ଓ ରାଜୀବଙ୍କୁ ହରାଇଛନ୍ତି ।