ସେଣ୍ଟିଆଗୋ:ଚିଲି ବିରୋଧରେ ଜବରଦସ୍ତ ବିଜୟ ହାସଲ କରିଛି ଭାରତୀୟ ଜୁନିଅର ହକି ମହିଳା ଦଳ। ଷଷ୍ଠ ତଥା ଅନ୍ତିମ ମ୍ୟାଚରେ ଚିଲିର ସିନିୟର ଦଳକୁ 2-1 ଗୋଲରେ ପରାସ୍ତ କରିଛି ଜୁନିଅର ଭାରତ ଦଳ। ସୋମାବାର ଚିଲିର ପ୍ରିନ୍ସ ଅଫ ୱେଲ୍ସ କଣ୍ଟ୍ରି କ୍ଲବ ପଡ଼ିଆରେ ଖେଳା ଯାଇଥିବା ଏହି ମ୍ୟାଚରେ ଭାରତୀୟ ଜୁନିଅର ହକି ମହିଳା ଦଳର ଡୁଙ୍ଗଡୁଙ୍ଗ ଦୁଇଟି ଗୋଲ ଦେଇଥିଲେ।
ଷଷ୍ଠ ତଥା ଅନ୍ତିମ ମ୍ୟାଚରେ ଭାରତ ପ୍ରଥମରୁ ଆକ୍ରାମକ ଖେଳ ପ୍ରଦର୍ଶନ କରିଥିଲା। ପ୍ରଥମ କ୍ବାର୍ଟରହିଁ ଭାରତ ଚିଲିକୁ ଗୋଟିଏ ଗୋଲ ଦେଇ ମ୍ୟାଚର ଆଗୁଆ ରହିଥିଲା। ଏହାପରେ ଦ୍ବିତୀୟ କ୍ବାର୍ଟରରେ ମଧ୍ୟ ଭାରତ ପକ୍ଷରୁ ଆଉ ଏକ ଗୋଲ ଦେଇଥିଲେ ଡୁଙ୍ଗଡୁଙ୍ଗ। ମ୍ୟାଚର 26ତମ ମିନିଟରେ ଭାରତକୁ ପେନାଲ୍ଟି କର୍ଣ୍ଣର ମିଳିଥିଲା। ଭାରତ ପେନାଲ୍ଟି କର୍ଣ୍ଣର ଫାଇଦା ଉଠାଇ ଗୋଲ ଦେବାରେ ସକ୍ଷମ ହୋଇଥିଲା ।