ଭୁବନେଶ୍ବର: ଚାନ୍ଦିପୁର ପରେ ରାଜସ୍ଥାନ ମିଲିଟାରୀ ଇଞ୍ଜିନିୟରିଂ ସର୍ଭିସକୁ ଟ୍ରାପ । ପାକିସ୍ତାନର ରହସ୍ୟମୟୀ ଯୁବତୀ ରଚିଥିଲା ଷଡଯନ୍ତ୍ର । ମିଲିଟାରୀ ଇଞ୍ଜିନିୟରିଂ ସର୍ଭିସ ଯୋଧପୁରର ଜଣେ ଚତୁର୍ଥ ଶ୍ରେଣୀ କର୍ମଚାରୀକୁ ହନିଟ୍ରାପ ଜାଲରେ ଫସାଇଥିଲା ପାକ୍ ଯୁବତୀ । ଏନେଇ ରାଜସ୍ଥାନ ପୋଲିସର କ୍ରାଇମବ୍ରାଞ୍ଚ ଟିମ୍ ଓଡିଶା କ୍ରାଇମବ୍ରାଞ୍ଚ ଠାରୁ ତଦନ୍ତ ପାଇଁ ନେଇଥିଲେ ସହାୟତା । ତେବେ ଚାନ୍ଦିପୁରର ୫ଜଣ କର୍ମଚାରୀଙ୍କୁ ଯେଉଁ ରହସ୍ୟମୟୀ ଯୁବତୀ ହନିଟ୍ରାପ କରିଥିଲା ସେହି ହିଁ ତାଙ୍କୁ ମଧ୍ୟ ନିଜ ଜାଲରେ ଫସାଇଥିବା ଜଣାପଡିଛି ।
ଚାନ୍ଦିପୁର DRDO ଗୁପ୍ତତଥ୍ୟ ଲିକ ଘଟଣା, ପାକିସ୍ତାନ ସୁନ୍ଦରୀ ରଚିଥିଲା ହନିଟ୍ରାପ ଷଡଯନ୍ତ୍ର
ଏଥିସହ ଯୁବତୀ ଜଣକ ପାକିସ୍ତାନର ବୋଲି ଚାଟିଂ ଫଟୋରୁ କ୍ରାଇମବ୍ରାଞ୍ଚ ସୁରାକ୍ ପାଇଛି । ସେ ଚାନ୍ଦିପୁରର ଜଣେ କର୍ମଚାରୀକୁ ୩୮ ହଜାର ଟଙ୍କା ପଠାଇଥିଲା । ଦୁଇଟି କିସ୍ତିରେ ୨୪ ହଜାର ଓ ୧୪ ହଜାର କରି ଦୁବାଇରୁ ଲୁଲୁ ଇଣ୍ଟରନ୍ୟାସନାଲ ଏକ୍ସଚେଞ୍ଜ ଜରିଆରେ ଚାନ୍ଦିପୁରର ଜଣେ କର୍ମଚାରୀକୁ ଟଙ୍କା ପଠାଇଥିବା କ୍ରାଇମବ୍ରାଞ୍ଚ ଜାଣିବାକୁ ପାଇଛି ।