ଭୁବନେଶ୍ବର: ଆସନ୍ତା ଡିସେମ୍ବର 1 ରୁ ଆରମ୍ଭ ହେବ 30ତମ କୋଣାର୍କ ନୃତ୍ୟ ଉତ୍ସବ ଓ 8ମ ଆନ୍ତର୍ଜାତିକ ବାଲୁକା କଳା ମହୋତ୍ସବ । କୋଣାର୍କ ମୁକ୍ତାକାଶ ରଙ୍ଗମଞ୍ଚରେ ଭାରତୀୟ ଶାସ୍ତ୍ରୀୟ ନୃତ୍ୟର ମହାକୁମ୍ଭ ସହିତ ଚନ୍ଦ୍ରଭାଗାର ବାଲୁକା ଶଯ୍ୟାରେ ବାଲୁକାକଳାର ଅପୂର୍ବ ନିଦର୍ଶନ ଉପଭୋଗ କରିପାରିବେ ଦର୍ଶକ । ଗୁରୁବାର ପାନ୍ଥନିବାସ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟ ପର୍ଯ୍ୟଟନ ବିଭାଗର ଶାସନ ସଚିବ ବିଶାଳ ଦେବ କହିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଦୀର୍ଘ 5 ଦିନ ଧରି ଚାଲିବାକୁ ଥିବା ଏହି ଉତ୍ସବର ଦ୍ବିତୀୟ ସନ୍ଧ୍ୟାରେ ଇଣ୍ଡୋନେସିଆର ବାଲିରୁ ଆସିଥିବା ଶିଳ୍ପୀମାନେ ଶାସ୍ତ୍ରୀୟ ତଥା ଲୋକନୃତ୍ୟ ପରିବେଷଣ କରିବେ । ଯାହାକି ଚଳିତ ବର୍ଷର ମୁଖ୍ୟ ଆକର୍ଷଣ ହେବ । ଏହା ସହିତ ଅନ୍ୟାନ୍ୟ ଶାସ୍ତ୍ରୀୟ ନୃତ୍ୟ ଯଥା କଥକ, ଭରତନାଟ୍ୟମ୍, ମୋହିନିଆଟମ, କୁଚୁପୁଡି ଏବଂ ଓଡିଶୀ ନୃତ୍ୟର ବିଶିଷ୍ଟ ଶିଳ୍ପୀ ଏଥିରେ ଭାଗ ନେବା ସହ ନିଜ କଳା ପ୍ରଦର୍ଶନ କରିବେ ।