ଭୁବନେଶ୍ବର: ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଗସ୍ତ ପରେ ପରେ ପୁରା ଆଟାକ ମୁଡକୁ ଆସିଛି ରାଜ୍ୟ ବିଜେପି । ବିଜେଡି ବିରୋଧରେ କର ବା ମର ଲଢେଇ ପାଇଁ ପ୍ରସ୍ତୁତ ହେଉଛି ରାଜ୍ୟ ଶାଖା । ଏଥିପାଇଁ ପ୍ରସ୍ତୁତ ହେଉଛି ଶକ୍ତ ରଣନୀତି ସହ ରାଜ୍ୟ ସରକାରଙ୍କ ବିରୋଧରେ ଚାର୍ଜସିଟ । ଯାହାର ଆଜି ସୂଚନା ଦେଇଛନ୍ତି ବିରୋଧୀ ଦଳନେତା ଜୟ ନାରାୟଣ ମିଶ୍ର ।
ପ୍ରସ୍ତୁତ ହେଉଛି ଚାର୍ଜସିଟ, ଜନତାଙ୍କ ଆଗରେ ହେବ ଉପସ୍ଥାପିତ : ବିରୋଧୀ ଦଳନେତା
ବିରୋଧୀ ଦଳନେତା ଜୟ ନାରାୟଣ ମିଶ୍ର କହିଛନ୍ତି, "ଓଡିଶା ସରକାରଙ୍କ ବିରୋଧରେ ଚାର୍ଜସିଟ ତିଆରି କରିବ ବିଜେପି । ଚାର୍ଜସିଟ ଜନତାଙ୍କ ଆଗରେ ଉପସ୍ଥାପିତ କରିବୁ ଜନତା ବିଚାର କରିବେ । ୨୦୨୪ ରେ ବିଜେଡି ମୁକ୍ତ ହେବ ଓଡ଼ିଶା । ଜନତା ହେଉଛନ୍ତି ଗଣତନ୍ତ୍ରର ମାଜିଷ୍ଟ୍ରେଟ । ଦୁର୍ନୀତି, ବ୍ୟଭିଚାର, ଭ୍ରଷ୍ଟାଚାର ରାଜ୍ୟରେ ଚାଲିଛି । ରାଜ୍ୟରେ ଲୋକଙ୍କ ପାଇଁ ଥଇଥାନ ବ୍ୟବସ୍ଥା ନାହିଁ । ରୋଜଗାର ନାହିଁ, ବାହାରକୁ ଦାଦନ ଖଟିବାକୁ ଯାଉଛନ୍ତି । ଚାଷ କଲେ ଧାନ ବିକ୍ରି ହୋଇପାରୁନି। ପାଠ ପଢିଲେ ଚାକିରି ନାହିଁ ।"