ଭୁବନେଶ୍ବର: କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି କୃଷକ ସଂଗଠନ ଗୁଡ଼ିକ ପକ୍ଷରୁ ଆସନ୍ତାକାଲି ଭାରତ ବନ୍ଦ ଡାକରା ଦେଇଥିବାବେଳେ ଏହାକୁ ସିଧାସଳଖ ସମର୍ଥନ କରିନାହିଁ ବିଜେଡି । କିନ୍ତୁ ଦଳ କହିଛି ଆମର ନୈତିକ ସମର୍ଥନ କୃଷକମାନଙ୍କ ସହ ଅଛି ଓ ରହିବ ।
ଦଳର ମୁଖପାତ୍ର ସସ୍ମିତ ପାତ୍ର କହିଛନ୍ତି କୃଷକଙ୍କ ସମସ୍ତ ସମସ୍ୟାର ସମାଧାନ କରିବା ଏବଂ ସେମାନଙ୍କ ଆଶଙ୍କା ଦୂର କରିବା ଜରୁରୀ ଅଟେ । ବିଜେଡି ଆଶାବାଦୀ ଯେ ଉଲ୍ଲେଖନୀୟ ସମସ୍ୟାର ଆପୋଷ ଆଲୋଚନା ମାଧ୍ୟମରେ ସମାଧାନ ହୋଇପାରିବ ଏବଂ ଆମେ କେନ୍ଦ୍ର ସରକାର ଏବଂ କୃଷକ ସଂଗଠନ ମଧ୍ୟରେ ଡିସେମ୍ବର ୯, ୨୦୨୦ରେ ଆଲୋଚନାକୁ ଅପେକ୍ଷା କରିଛୁ।