ମୁମ୍ବାଇ:ବିଜେପି ଦେଶରେ ଏକକ ଦଳ ଭାବେ ରହିବାକୁ ଚାହୁଁଛି । ବିଜେପିର ‘ଗୋଟିଏ ଦେଶ, ଗୋଟିଏ ଦଳ’ ଯୋଜନା କଦାପି ଗ୍ରହଣ କରାଯିବ ନାହିଁ ବୋଲି କହିଛନ୍ତି ଶିବସେନା (ଉଦ୍ଧବ ଠାକରେ) ମୁଖ୍ୟ ଉଦ୍ଧବ ଠାକରେ । ୟାଭାତଚମାଲ ଜିଲ୍ଲାର ଡିଜିରେ ଏକ ରାଲିକୁ ସମ୍ବୋଧିତ କରି ଠାକରେ ମହାରାଷ୍ଟ୍ରରେ ଜାରି ରହିଥିବା ଏନସିପି ସଙ୍କଟ ଓ ବିଜେପିର ଭୂମିକାକୁ ନେଇ ବର୍ଷିଛନ୍ତି । ଅଜିତ ପାୱାର କ୍ୟାମ୍ପରୁ 9ଜଣ ବିଧାୟକଙ୍କୁ ମହାରାଷ୍ଟ୍ର ସରକାରରେ ଯୋଗଦେଲେ । ଯଦି ସରକାର ନିକଟରେ ସଂଖ୍ୟା ଗରିଷ୍ଠତା ରହିଛି ତେବେ ଜାତୀୟତାବାଦୀ କଂଗ୍ରେସ ପାର୍ଟିରୁ ସଦସ୍ୟଙ୍କୁ ପ୍ରଲୋଭିତ କରି ନେବାର କଣ ଆବଶ୍ୟକତା ଥିଲା ବୋଲି ସେ ପ୍ରଶ୍ନ କରିଛନ୍ତି ।
ସେହିପରି ଉଦ୍ଧବ ଏକକ ନାଗରିକ ସଂହିତା(UCC) ପ୍ରସଙ୍ଗ ଉଠାଇ ବିଜେପି ଉପରେ ବର୍ଷିଛନ୍ତି । କେନ୍ଦ୍ର ସରକାର ବର୍ତ୍ତମାନ ନୂଆ ପ୍ରସଙ୍ଗ ଉଠାଉଛନ୍ତି ଏବଂ ବିବାଦରୁ ଲୋକଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରୁଛନ୍ତି । ବର୍ତ୍ତମାନ କେନ୍ଦ୍ର ସରକାର ୟୁନିଫର୍ମ ସିଭିଲ କୋଡ ଲାଗୁ କରିବା ପାଇଁ ଯାଉଁଛନ୍ତି । ଆମେ ଏହି ପ୍ରସଙ୍ଗରେ ଆଲୋଚନା କରିବାକୁ ପ୍ରସ୍ତୁତ ଅଛୁ ବୋଲି ଠାକରେ କହିଛନ୍ତି । ସେହିପରି ସେ ଧାରା 370 ଉଚ୍ଛେଦକୁ ମଧ୍ୟ ସମର୍ଥନ କରିଥିଲେ । ଏବେ ଏହି ପ୍ରସଙ୍ଗରେ ଡ୍ରାଫ୍ଟ ଆସିଲେ ସେମାନେ ଆଲୋଚନା ପାଇଁ ଆଗ୍ରହ ପ୍ରକାଶ କରିବେ ବୋଲି କହିଥିଲେ । ବର୍ତ୍ତମାନ ସମୟରେ ପ୍ରକୃତ ପ୍ରସଙ୍ଗରୁ ଦେଶବାଶୀଙ୍କ ଧ୍ୟାନ ହଟାଇବା ପାଇଁ ବିଜେପି ସରକାର ଏହି ୟୁନିଫର୍ମ ସିଭିଲ କୋଡ ଆଣିବାକୁ ଯାଉଛି ବୋଲି କହିଥିଲେ ଉଦ୍ଧବ ।
ଏହା ମଧ୍ୟ ପଢନ୍ତୁ :-Maharashtra politics: NCP ଦୁଇଫାଳ, ଶରଦଙ୍କ କାର୍ଯ୍ଯାନୁଷ୍ଠାନକୁ ଅପେକ୍ଷା