ନୂଆଦିଲ୍ଲୀ: ଆଜି ସଂସଦରେ ବଜେଟ ଉପସ୍ଥାପିତ ହୋଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଛନ୍ତି । ବଜେଟରେ ଏକ ନୂଆ ଯୋଜନା ଘୋଷଣା କରିଛନ୍ତି ଅର୍ଥମନ୍ତ୍ରୀ । ପିଏମ ବିକାଶ ବା ପିଏମ ବିଶ୍ବକର୍ମା କୌଶଳ ସମ୍ମାନ ଯୋଜନା ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଏଥିରେ ପାରମ୍ପରିକ ଶିଳ୍ପୀକାର କାରିଗରଙ୍କୁ ଆର୍ଥିକ ସହାୟତା ମିଳିବ ।
ପାରମ୍ପରିକ ଶିଳ୍ପୀକାର କାରିଗରଙ୍କୁ ପ୍ରୋତ୍ସାହନ କରିବା ଏହି ଯୋଜନାର ଲକ୍ଷ୍ୟ । ପାରମ୍ପରିକ ଜିନିଷର ଗୁଣବତ୍ତା, କୌଶଳ ସହ ସେମାନଙ୍କ ବିକ୍ରି ପ୍ରକ୍ରିୟାକୁ ସହଜ କରିବାକୁ ଏହି ଯୋଜନା ଆରମ୍ଭ ହେବାକୁ ଯାଉଛି । ଏମଏସଏମଇ ଜରିଆରେ ସେମାନଙ୍କୁ ପ୍ରୋସାହନ ପ୍ରଦାନ କରାଯିବ । ବିଶ୍ବକର୍ମା ସମ୍ପଦାୟ ବା କାରିଗରଙ୍କୁ ଆର୍ଥିକ ସହାୟତା ମୁଖ୍ୟ ଲକ୍ଷ୍ୟ । ପାରମ୍ପରିକ ଜିନିଷର ଗୁଣବତ୍ତାକୁ ବିଶ୍ବ ଦରବାରରେ ପହଞ୍ଚାଇବା ନେଇ ସକ୍ଷମ ବନାଇବା ଏହି ଯୋଜନାର ଲକ୍ଷ୍ୟ ।