ହାଇଦ୍ରାବାଦ:ଉତ୍ତର ଭାରତରେ ଜାରି ରହିଛି ଶୀତ ଲହରୀ । ପ୍ରବଳ ଥଣ୍ଡା ଅନୁଭୂତ ହେଉଥବା ବେଳେ କୁହୁଡିରେ ରାସ୍ତାଘାଟ ଦେଖା ନଯିବାରୁ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି(Cold wave in north india)। ଏହାକୁ ଦୃଷ୍ଟିରେ ରଖି ଦିଲ୍ଲୀରେ ସମସ୍ତ ଘରୋଇ ସ୍କୁଲକୁ ଚଳିତ 15 ତାରିଖ ଯାଏଁ ବନ୍ଦ ରଖିବାକୁ ନିଷ୍ପତ୍ତି ହୋଇଛି । ଆଜି ଦିଲ୍ଲୀ ଶିକ୍ଷା ନିର୍ଦ୍ଦେଶାଳୟ ଏନେଇ ଏକ ନିର୍ଦ୍ଦେଶନାମା ଜାରି କରି ସମସ୍ତ ଘରୋଇ ବିଦ୍ୟାଳୟର କର୍ତ୍ତୃପକ୍ଷଙ୍କୁ ଅବଗତ କରିଛି । 16 ତାରିଖ(ସୋମବାର)ଠାରୁ ଏହି ସମସ୍ତ ଘରୋଇ ସ୍କୁଲ ପୂର୍ବପରି ସ୍ବାଭାବିକ ଭାବେ କାର୍ଯ୍ୟକ୍ଷମ ହେବ ।
ସେହିପରି ଶୀତ ଲହରୀକୁ ଦୃଷ୍ଟିରେ ରଖି ଝାଡଖଣ୍ଡ ସରକାର ମଧ୍ୟ ସ୍କୁଲ ବନ୍ଦ ନିଷ୍ପତ୍ତି ଗ୍ରହଣ କରିଛନ୍ତି(Cold wave in north india) । ରାଜ୍ୟରେ KGରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲକୁ 14 ତାରିଖ ଯାଏଁ ବନ୍ଦ ରଖିବାକୁ ନିଷ୍ପତ୍ତି ଗ୍ରହଣ ହୋଇଛି । 16 ଜାନୁଆରୀଠାରୁ ସ୍ୱାଭାବିକ ଭାବେ ପୁଣି ନିୟମିତ ପାଠପଢା ଆରମ୍ଭ ହେବା ନେଇ ସରକାରୀ ନିର୍ଦ୍ଦେଶନାମାରେ ପ୍ରକାଶ ପାଇଛି । ପ୍ରବଳ ଥଣ୍ଡା ଅନୁଭୂତ ହେବା କାରଣରୁ ଏହି ନିଷ୍ପତ୍ତି ଗ୍ରହଣ କରିଛନ୍ତି ଝାଡଖଣ୍ଡ ସରକାର ।