ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା , ପୋଲିସର ଛାନଭିନ୍
Published : Jan 31, 2024, 10:09 AM IST
Man died in Ganjam: ବ୍ରହ୍ମପୁର: ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକଙ୍କୁ ହତ୍ୟା ଅଭିଯୋଗ । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ କୈରାଶୀ ଗ୍ରାମରେ ଏଭଳି ଘଟଣା ଘଟିଛି । ଜଣେ ୧୮ ବର୍ଷୀୟ ଯୁବକକୁ ଛୁରିରେ ଭୁସି ହତ୍ୟା କରିଛନ୍ତି ଦୁର୍ବୃତ୍ତ । ମୃତକ ଜଣକ କୈରାଶୀ ଗ୍ରାମ ବେଗୁନିଆପଡା ସାହିର ଅରୁଣ ଦାସଙ୍କ ପୁଅ ରାଜେଶ ଦାସ ବୋଲି ଜଣାପଡିଛି । ରାଜେଶ ତାଙ୍କ ମଆଙ୍କ ପାଇଁ ଓୌଷଧ ଆଣିବାକୁ ଯାଉଥିବା ବେଳେ ତାଙ୍କ ଉପରେ କିଛି ଦୁର୍ବୃତ୍ତ ସଂଘବଦ୍ଧ ଆକ୍ରମଣ କରିଥିଲେ । ଏନେଇ ଗୁରୁତର ଅବସ୍ଥାରେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଗତ ବର୍ଷେ ତଳେ କ୍ରିକେଟ ଖେଳକୁ ନେଇ ଜଣକୁ କିଛି ଯୁବକ ବ୍ୟାଟରେ ମାଡ ମାରିଥିଲେ । ଉକ୍ତ ଘଟଣାର ଭିଡିଓ ଭାଇରାଲ ହେବା ପରେ ପୋଲିସ ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରିଥିଲା । ତେବେ ଯୁବକ ଜଣକ ଜେଲ ଯାଇ ଜାମିନରେ ଆସିବା ପରେ ପ୍ରତିଶୋଧ ପରାୟଣ ହୋଇ ଏପରି ହତ୍ୟାକାଣ୍ଡ କରିଥିବା ଅନୁମାନ କରାଯାଉଛି। ପୋଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି।
ଏହା ମଧ୍ୟ ପଢନ୍ତୁ-ପୂର୍ବ ଶତ୍ରୁତାରୁ ପଡୋଶୀକୁ ହତ୍ୟା, ହତ୍ୟାକାରୀକୁ ଆଜୀବନ କାରାଦଣ୍ଡ
ଇଟିଭି ଭାରତ,ବ୍ରହ୍ମପୁର