ରାୟଗଡା: ଜିଲ୍ଲାରେ ଥମୁନି ଚୋରା ଗଞ୍ଜେଇ ଚାଲାଣ । ବିଭିନ୍ନ ଉପାୟ ଅବଲମ୍ବନ କରି ବାହାର ରାଜ୍ୟକୁ ରାୟଗଡ଼ ଜିଲ୍ଲାରୁ ଚାଲାଣ ହେଉଛି କୋଟି କୋଟି ଟଙ୍କାର ଗଞ୍ଜେଇ । ଧର୍ମକୁ ଆଖି ଠାର ମାରିବା ଭଳି ମଝିରେ ମଝିରେ ଛୋଟ କାଟିଆ ଧରପଗଡ କରି ବାହା ବାହା ନେଉଛି ରାୟଗଡ଼ ପୋଲିସ । ଆଜି (ମଙ୍ଗଳବାର) ରାୟଗଡା ଜିଲ୍ଲା ଗୁଡାରି ଥାନା ଅଞ୍ଚଳରେ ଏକ ବୋଲେର ମ୍ୟାକ୍ସ ପିକଅପ ଭ୍ୟାନକୁ ଯାଞ୍ଚ କରିବା ପରେ ୪୧୭.୪୬୦ କେଜି ଗଞ୍ଜେଇ ଜବତ କରିବାରେ ସଫଳ ହୋଇଛି ଗୁଡାରି ପୋଲିସ । ଯାହାର ଆନୁମାନିକ ବଜାର ମୂଲ୍ୟ ୨୫ ଲକ୍ଷରୁ ଅଧିକ ହେବ ବୋଲି ଜଣାପଡିଛି ।
ଅଧିକ ପଢନ୍ତୁ- ଜନଜାତି ସମୂହଙ୍କ ବିକାଶରେ ଖର୍ଚ୍ଚ ହେବ ୧୫ ହଜାର କୋଟି, ନିୟମଗିରିରେ ଖେଳିଲା ଖୁସିର ଲହରୀ
ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ ଆଜି ଭୋର ୪ଟା ସମୟରେ ରାୟଗଡା ବ୍ରହ୍ମପୁର ରାସ୍ତାର ଗୁମୁଡା ନିକଟରେ ପୋଲିସର ଏକ ଟିମ ଛପି ବସିଥିଲେ । ଏହି ସମୟରେ ଆଡବା ପଟରୁ ଏକ ନାଲି ରଙ୍ଗର ବୋଲେର ମ୍ୟାକ୍ସ ପିକଅପ ଭ୍ୟାନ ଦ୍ରୁତ ଗତିରେ ଛତିଶଗଡ ଅଭିମୁଖେ ଯାଉଥିଲା । ଫଳରେ ସନ୍ଦେହ ହେବାରୁ ବାଟରେ ଗୁମୁଡା ନିକଟରେ ଅଟକାଇ ଯାଞ୍ଚ କରିଥିଲା ପୋଲିସ । ଏହି ସମୟରେ ଗାଡି ରେ ୧୨ ଟି ଜରି ବସ୍ତାରେ ୪୧୭.୪୬୦ କେଜି ଗଞ୍ଜେଇ ଜବତ ହୋଇଥିଲା ।