ଭୁବନେଶ୍ବର:ଆନ୍ତରାଜ୍ୟ ଗଞ୍ଜେଇ ଚାଲାଣର ବଡ ଖୁଲାସା । ଭୁବନେଶ୍ୱରରୁ ଧରାପଡିଲେ ଝାଡ଼ଖଣ୍ଡର ୩ ନିଶାମାଫିଆ । ପୋଲିସକୁ ଚକମା ଦେଉଥିବା ଗଞ୍ଜେଇ ବେପାରୀ ଗିରଫଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ଅପରାଧୀମାନେ ଗାଡ଼ିରେ ପ୍ରେସ ଲେଖି ନମ୍ବର ପ୍ଲେଟ ବଦଳାଇ ଭାଇଜାଗରୁ ଭୁବନେଶ୍ବର ଦେଇ କଲିକତା ଚାଲାଣବେଳେ ୩ କ୍ବିଣ୍ଟାଲ ଗଞ୍ଜେଇ ସହ ଧରାପଡିଛନ୍ତି । ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ପୋଲିସ କମିଶନର ସଞ୍ଜୀବ ପଣ୍ଡା ।
ପୋଲିସର ସୂଚନା ମୁତାବକ, ଏମାନେ ହେଉଛନ୍ତି ପେଶାଦାର ନିଶା ମାଫିଆ । ହାଇପ୍ରୋଫାଇଲ ଗଞ୍ଜେଇ କାରବାର କରିବା ସେମାନେ ବ୍ୟବହାର ଦାମୀ ଗାଡି଼ ବ୍ୟବହାର କରୁଥିଲେ । ଏଣ୍ଡେଭୋର ଭଳି ଦାମୀ ଗାଡି ଜରିଆରେ ଗଞ୍ଜେଇ ଗାଡି଼କୁ ଏସକର୍ଟ ବି ଦେଉଥିଲେ । ପଛରେ ଆଉ ଏକ କାର ଯୋଗେ ଗଞ୍ଜେଇ ଭର୍ତ୍ତି କରି ବିଭିନ୍ନ ରାଜ୍ୟ ଦେଇ ରାଜ୍ୟ ପାର୍ ହେଉଥିଲେ । ଏପରିକି ପୋଲିସ ସନ୍ଦେହରୁ ବର୍ତ୍ତିବାକୁ ସେମାନେ ପ୍ରେସ ଲେଖାଥିବା ଷ୍ଟିକର ବ୍ୟବହାର କରୁଥିଲେ । ଏପରିକି ଗାଡି଼ରେ ରଖିଥିଲେ ଭିନ୍ନ ଭିନ୍ନ ଗାଡିର ନମ୍ବର ପ୍ଲେଟ୍ । ଯାହାକୁ ଲଗାଇ ଘୋଟିଏ ପରେ ଗୋଟିଏ ରାଜ୍ୟ ପାର ହେଉଥିଲେ । ତେବେ ମାଲକାନଗିରିରୁ ଗଞ୍ଜେଇ ଆଣି କାକିନାଡା ଦେଇ ଭାଇଜାଗ ଯାଇଥିଲେ । ପରେ ଭାଇଜାଗରୁ ବ୍ରହ୍ମପୁର ଦେଇ ଭୁବନେଶ୍ବର ଓ ସେଠାରୁ ଝାଡ଼ଖଣ୍ଡ ଚାଲାଣବେଳେ ବିଶେଷ ସୂତ୍ରରୁ ଖବର ପାଇଥିଲା ପୋଲିସ । ଆଉ ତା'ପରେ ପୋଲିସ ପିଛା କରି ସେମାନଙ୍କୁ କାବୁ କରିବାରେ ସଫଳ ହୋଇଛି ।"
ଏହି ଅପରେସନ ସମ୍ପର୍କରେ ପୋଲିସ କମିଶନର ସଞ୍ଜୀବ ପଣ୍ଡା କହିଛନ୍ତି, "ଗଞ୍ଜେଇ ଚାଲାଣକାରୀ ନମ୍ବର ବଦଳାଉଥିବାବେଳେ ସେମାନଙ୍କୁ ଚିହ୍ନିବା ଥିଲା ମୁସ୍କିଲ । ହେଲେ ଗଞ୍ଜେଇ ଚାଲାଣକାରୀଙ୍କ ଗାଡି଼ର କମ୍ପ୍ରେସର ଖରାପ ଯୋଗୁଁ ବାଟରେ ଅଧିକ ବେଗରେ ସାଉଣ୍ଡ କରୁଥିବାରୁ ଚିହ୍ନିବା ସହଜ ହେଲା । ପିତାପଲ୍ଲିରୁ ପାହାଳ ପର୍ଯ୍ୟନ୍ତ ଗାଡିକୁ ପିଛା କରିବା ସହ ଖସିବାକୁ ଚେଷ୍ଟାବେଳେ ପୋଲିସ ସେମାନଙ୍କୁ ଧରିଥିଲା । ସମ୍ପୃକ୍ତ ୩ ଅଭିଯୁକ୍ତଙ୍କୁ ଗିରଫ କରିବା ସହ ୩ କ୍ବିଣ୍ଟାଲ ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୩୦ ଲକ୍ଷରୁ ଊର୍ଦ୍ଧ୍ବ ଟଙ୍କା ହେବ । ଏନେଇ ୨ଟି ଦାମୀ ଗାଡି ଜବତ କରାଯାଇଛି । ସେମାନେ ଗାଡିର ସିଟ୍ ଓ ପଛରେ ଥିବା ସିକ୍ରେଟ ଚାମ୍ବରରେ ଗଞ୍ଜେଇ ଭର୍ତ୍ତି କରି ଆଣୁଥିଲେ । ୩ଟି ରାଜ୍ୟ ଅତିକ୍ରମ କରିଥିବାରୁ ଏଥିପାଇଁ ପ୍ରାଇଭେଟ ନମ୍ବର ଓ ଭିନ୍ନ ଭିନ୍ନ ନମ୍ବର ପ୍ଲେଟ୍ ବ୍ୟବହାର କରି ଖସିଯାଉଥିଲେ ।"