ଢେଙ୍କାନାଳ: ଜିଲ୍ଲା ପୋଲିସକୁ ମିଳିଛି ସଫଳତା । ବାଲୁଙ୍କେଶ୍ୱର ଓ ସାଇ ଶ୍ରୀକ୍ଷେତ୍ର ମନ୍ଦିରରୁ ଚୋରି ଘଟଣାର ପର୍ଦ୍ଦାଫାସ । ୫ଜଣିଆ ଆନ୍ତଃ ଜିଲ୍ଲା ଲୁଟେରା ଗ୍ୟାଙ୍ଗକୁ ଗିରଫ କରିଛି ପୋଲିସ । ସେମାନଙ୍କ ଠାରୁ ଠାକୁରଙ୍କର ବିପୁଳ ପରିମାଣର ରୂପା ଅଳଙ୍କାର, ପିତ୍ତଳ ମୂର୍ତ୍ତି ଓ ମନ୍ଦିର ସାମଗ୍ରୀ ଜବତ ହୋଇଛି । ଏଥିସହ ସେମାନଙ୍କ ଠାରୁ ଦୁଇଟି ବାଇକ ଜବତ କରିଛି ପୋଲିସ ।
ସୂଚନା ମୁତାବକ, ଗତ ୧୩ ତାରିଖ ରାତିରେ ଜିଲ୍ଲାର ସଦର ଥାନା ଗୋବିନ୍ଦପୁର ଅଞ୍ଚଳର ବାଲୁଙ୍କେଶ୍ୱର ଓ ସହରର ଶ୍ୟାମଚରଣପୁର ଅଞ୍ଚଳର ସାଇ ଶ୍ରୀକ୍ଷେତ୍ର ମନ୍ଦିରରୁ ଚୋରି ଘଟଣାରେ ପୋଲିସ ତନାଘନା ଆରମ୍ଭ କରିଥିଲା । ଏହି ଘଟଣାରେ ଏକ ରାକେଟ କାମ କରୁଥିବା ପୋଲିସ କୌଣସି ସୂତ୍ରରୁ ଖବର ପାଇ ସେମାନଙ୍କୁ ଅନୁଗୋଳ ଜିଲ୍ଲା ବନରପାଳ ଥାନା ଅଞ୍ଚଳରୁ ଗିରଫ କରିଛି । ଏଥିସହ ଅଧିକ ତଦନ୍ତ ପାଇଁ ପୋଲିସ ବିଭିନ୍ନ ଜାଗାରେ ଚଢ଼ାଉ କରୁଛି । ମୋଟଙ୍ଗା ଥାନା ଅଞ୍ଚଳ ସମେତ ଯାଜପୁର, ଅନୁଗୋଳ, କଟକ, ଭଦ୍ରକ ଆଦି ଜିଲ୍ଲାର ବିଭିନ୍ନ ମନ୍ଦିର ଲୁଟ ଘଟଣାରେ ଏହି ରାକେଟ କାମ କରୁଥିବା ପୋଲିସ ତଦନ୍ତରୁ ଜାଣିପାରିଛି ।
ଏହା ମଧ୍ୟ ପଢନ୍ତୁ-ମନ୍ଦିର ଉପରେ ଲୁଟେରାଙ୍କ ଲୋଲୁପ ଦୃଷ୍ଟି, ଗୋଟିଏ ରାତିରେ ଦୁଇଟି ମନ୍ଦିରରୁ ଲୁଟ୍