मुंबई - Deepika Ranveer Announce Pregnancy : हिंदी चित्रपटसृष्टीतील जोडपे रणवीर सिंग आणि दीपिका पदुकोण यांनी 29 फेब्रुवारी रोजी त्यांच्या सोशल मीडियावर गर्भधारणेची घोषणा केली. त्यांच्या या गुडन्यूजने इंटरनेटला धक्का दिला आणि आपण पहिल्या अपत्याची प्रतीक्षा करत असल्याचे कळवले. यानंतर त्यांचे सहकारी असलेल्या अनेक सेलिब्रिटींनी त्यांच्यावर अभिनंदनाचा वर्षाव केला आहे.
रणवीर सिंग आणि दीपिका पदुकोण यांनी या वर्षी सप्टेंबरमध्ये बोलताना आपल्याला पहिल्या अपत्याची अपेक्षा असल्याचे जाहीर केले होते. आज रणवीर दीपिकाने गुडन्यूज दिल्यानंतर अनेकांनी त्यांचे अभिनंदन केले. यामध्ये वरुण धवन, क्रिती सॅनन, प्रियांका चोप्रा, सोनम कपूर, माधुरी दीक्षित, नीना गुप्ता, मसाबा गुप्ता, विक्रांत मॅसी, मीरा राजपूत, नेहा धुपिया, सोनाक्षी सिन्हा अशा सेलेब्रिटींचा यात समावेश होता.
दीपिका पदुकोण आणि रणवीरच्या संयुक्त इंस्टाग्राम पोस्टवर प्रतिक्रिया देताना, क्रिती सेनॉनने लिहिले, "ओह माय गॉड!!!! तुम्हा दोघांचे अभिनंदन!!!" त्याचप्रमाणे वरुण धवनने कमेंट विभागात तीन ब्लॅक हार्ट इमोटिकॉन टाकले. दीपिकाचा 'छपाक' चित्रपटातील सह-कलाकार विक्रांत मॅसीने देखील या जोडप्याचे अभिनंदन केले: "OMGGGGGGG!!!! बहुत बहुत शुभकमनाएं आप दोनो को!!!" असे त्यानं लिहिले.