रायगड - खालापूर तालुक्याला जोरदार पावसाने झोडपले. गेल्या 24 तासांत माथेरान येथे सर्वाधिक 331 मिमी, कर्जत 321 मिमी, खालापूर 202 मिमी पावसाची नोंद झाली. मध्यरात्री नंतर उल्हास, पाताळगंगा व अन्य नद्यांनी आपली पातळी ओलांडली आणि संपूर्ण कर्जत - खालापूर तालुका जलमय झाला. बुधवार रात्रीपासून सुरु असलेल्या जोरदार अतिवृष्टीमुळे अनेक भागातील वीज पुरवठा खंडित झाला. अतिवृष्टी पाऊस असाच सुरु राहिल्यास मोठा धोका निर्माण होऊ शकतो. अशी शक्यता वर्तवली आहे.