सांगली- शिराळा तालुक्यातील गिरजवडे या गावातील घरांवर मागील सात दिवसांपासून दगडांचा वर्षाव होत आहे. यामुळे संपूर्ण गावात भीतीचे वातावरण पसरले आहे. याबाबत समाज माध्यमांवर उलट-सुलट चर्चा सुरू असून अंधश्रद्धा पसरवू नये, असे येथील ग्रामस्थांचे म्हणणे आहे.
माहिती देताना ग्रामस्थ आणि अंनिसचे सचिव
सांगलीच्या शिराळा तालुक्यातील गिरजवडे येथे मागील सात दिवसांपासून गावातील घरांवर दगडांचा वर्षाव होत आहे. यामध्ये सहा सात घरांच्या कौलांची चाळण झाली आहे.रात्रीच्या वेळी घरावर दगड पडत असल्याने कौलारू फुटून दोन महिला किरकोळ जखमी झाले आहेत. यामुळे गावातील नागरिक भीतीच्या छायेत वावरत असून संपूर्ण गाव दहशतीखाली आहे. रात्र झाली की गावातील लोकांना भीतीने धडकीच बसते आहे. यासाठी गावातील गावकरी रात्रभर गावाला पहारा देत आहेत. तरी सुद्धा घरावर कोण दगड मारते हे समजू शकले नाही.