मुंबई - नवविवाहित फरहान अख्तर आणि शिबानी दांडेकर यांच्या लग्नाच्या सोहळ्यातील एक मोहक फोटो व्हायरल झाला आहे. यामध्ये फरहानच्या तळहातावर शिवाबनी मेहंदी लावताना दिसू शकते. शिबानी दांडेकरची मैत्रिण डिझायनर पायल सिंघल हिने मंगळवारी त्यांच्या मेहंदी समारंभातील नवविवाहित जोडप्याचा फोटो शेअर केला आहे.
डिझायनर पायल सिंघलने शिबानी आणि फरहानला लग्नाबद्दल खूप शुभेच्छा दिल्या आहेत. नवविवाहित जोडप्याचे कौतुक करताना तिने भावी आयुष्यात सुखाने राहण्याबद्दलचा विश्वासही व्यक्त केला आहे. इन्स्टाग्राम पायलने फोटो शेअर करीत कॅप्शनमध्ये नवविवाहित जोडप्याचे कौतुक केले.
फरहानच्या हातावर शिबानीने काढली मेहंदी जवळपास तीन वर्षांपासून डेट करत असलेले फरहान आणि शिबानी 19 फेब्रुवारीला खंडाळा येथील फरहानच्या फॅमिली फार्महाऊसवर जवळचे मित्र आणि कुटुंबीयांच्या उपस्थितीत लग्नाच्या बेडीत अडकले. दिवसभराच्या लग्न सोहळ्याला फराह खान, रिया चक्रवर्ती यांच्यासह अनेक सेलिब्रिटींनी हजेरी लावली होती. सतीश शाह, आशुतोष गोवारीकर आणि रितेश सिदवानीसह हृतिक रोशननेही त्याचे आई-वडील राकेश आणि पिंकी रोशनसोबत लग्नाला हजेरी लावली होती.
सोमवारी त्यांनी विवाहित जोडपे म्हणून शिबानीच्या निवासस्थानाबाहेर उपस्थित पहिल्यांदा हौशी फोटोग्राफर्सना पोज दिली.
हेही वाचा -Vasantrao Deshpande Biopic : ‘मी वसंतराव’ चित्रपटाची पहिली झलक प्रेक्षकांच्यासमोर!
