US regulators shut down Silicon Valley Bank : यूएस नियामकांनी सिलिकॉन व्हॅली बँक बंद केली, मोठा परिणाम होणार

टेक्नॉलॉजी स्टार्टअप्सना कर्ज देण्यासाठी प्रसिद्ध असलेल्या एसव्हीबी फायनान्शियल ग्रुपच्या संकटामुळे शुक्रवारी जगभरातील शेअर बाजारात खळबळ उडाली आणि बँकिंग क्षेत्रातील समभाग घसरले. सिलिकॉन व्हॅली बँक (SVB) स्टार्टअप विशेषतः तांत्रिक स्टार्टअप्समध्ये पैसे गुंतवण्यासाठी ओळखले जाते. मात्र अमेरिकेतील कॅलिफोर्नियामध्ये आर्थिक संकटाची चाहुल लागत असताना, अमेरिकन नियामकांनी बँक बंद करण्याचा निर्णय घेतला आहे.

न्युयॉर्क :संभाव्य बँकिंग संकटाच्या पार्श्वभूमीवर अमेरिकेच्या नियामकांनी मोठे पाऊल उचलले आहे. अमेरिकेतील टॉप 16 बँकांमध्ये समाविष्ट असलेली सिलिकॉन व्हॅली बँक बंद करण्यात आली आहे. या घोषणेनंतर जगभरातील शेअर बाजारात बँकिंग शेअर्समध्ये जोरदार विक्री दिसून आली. विशेष म्हणजे, सिलिकॉन व्हॅली बँक (SVB) स्टार्टअप विशेषतः तांत्रिक स्टार्टअप्समध्ये पैसे गुंतवण्यासाठी ओळखले जाते. अमेरिकेतील कॅलिफोर्नियामध्ये आर्थिक संकटाचे चाहुल लागत असताना, अमेरिकन नियामकांनी बँक बंद करण्याचा निर्णय घेतला आहे.

ठेवीदारांचे पैसे सुरक्षित ठेवण्यासाठी निर्णय : यूएस नियामकाचे म्हणणे आहे की, बँकेत ठेवीदारांचे पैसे सुरक्षित ठेवण्यासाठी त्यांनी SVB चा व्यवसाय बंद करण्याचा निर्णय घेतला आहे. यूएस नियामकाने असेही स्पष्ट केले आहे की, ठेवीदारांचे पैसे परत करण्यासाठी बँकेची $210 अब्ज किमतीची मालमत्ता विकण्याची योजना आहे. नियामकाने यूएस फेडरल डिपॉझिट इन्शुरन्स कॉर्पोरेशन (FDIC) कडे मालमत्ता विकण्याचे काम सोपवले आहे. जे बँकांमधील गुंतवणुकीचा विमा करते. या बँकेचा रिसीव्हर म्हणून नियुक्ती करण्यात आली आहे.

बँक बंद करण्याची ही पहिली वेळ नाही : FDIC ने सांगितले की, ते 13 रोजी SVB च्या सर्व शाखा उघडतील. विमाधारक गुंतवणूकदार त्या दिवशी त्यांची खाती ऑपरेट करू शकतील. शुक्रवारी यूएस स्टॉक मार्केटमध्ये SVB चे शेअर्स 66 टक्क्यांनी घसरले. त्यानंतर अमेरिकन नियामकाने ही कारवाई केली. वृत्त लिहेपर्यंत बँकेकडून याप्रकरणी कोणतीही प्रतिक्रिया आलेली नाही. अमेरिकेच्या नियामक संस्थांनी कोणतीही बँक बंद करण्याची ही पहिली वेळ नाही.

बॅंक बंद होण्यास अनेक गोष्टी जबाबदार : असे शेवटचे प्रकरण २०२० मध्ये उघडकीस आले होते. 2020 मध्ये, अल्मेना स्टेट बँक नियामक संस्थांनी बंद केली होती. या बँकेचा यूएस फेडरल डिपॉझिट इन्शुरन्स कॉर्पोरेशन (FDIC) द्वारे विमा देखील काढला होता. SVB च्या संकटाचा भारतावरही परिणाम होईल. SVB ने Paytm, Naaptol, Bluestone सारख्या भारतातील आघाडीच्या फिनटेक कंपन्यांमध्ये भरपूर भांडवल गुंतवले आहे. Traxon Data या मार्केट डेटा संकलित करणाऱ्या संस्थेच्या मते, SVB ने भारतात कार्यरत असलेल्या किमान 21 कंपन्यांमध्ये गुंतवणूक केली आहे. मात्र, गुंतवलेली रक्कम आणि बँकेची हिस्सेदारी याबाबत अद्याप खुलासा करण्यात आलेला नाही.

बँकेची अनेक कंपण्यांमध्ये गुंतवणुक : माहितीनुसार, SVB ची भारतातील सर्वात मोठी गुंतवणूक SaaS-unicorn Icertis मध्ये आहे. बँकेने या स्टार्टअपमध्ये $150 दशलक्ष गुंतवणूक केली होती. याशिवाय बँकेने Bluestone, Paytm, One97 Communications, Paytm Mall, Naaptol, Carwale, Shaadi, InMobi आणि Loyalty Rewards मध्ये देखील गुंतवणूक केली आहे.