बीजिंग : चीनमध्ये कोरोनाने परिस्थिती चिंताजनक झाली ( New Covid Wave In China ) आहे. अनेक शहरांमध्ये लॉकडाऊन लावण्यात आले ( Lockdown In China ) आहे. ९ दशलक्ष लोकसंख्येचे शहर असलेले शहर पूर्णतः बंद करण्यात आले आहे. कोरोनाची ही नवी लाट असल्याचे सांगण्यात येत आहे. 11 मार्च रोजी चीनच्या पूर्व झेजियांग प्रांतातील हांगझोऊ येथे एका रहिवाशाची कोविड-19 कोरोनाव्हायरससाठी न्यूक्लिक अॅसिड चाचणी झाली. त्यानुसार हे निर्बंध लावण्यात आले ( China New Covid Restrictions ) आहेत.
घरी राहण्याचा सल्ला
नवीन लॉकडाऊन नियमांनुसार, लोकांना घरी राहण्याचा सल्ला देण्यात आला आहे. दर दोन दिवसांनी कुटुंबातील फक्त एक सदस्य अन्न आणि इतर आवश्यक वस्तू खरेदी करण्यासाठी बाहेर जाऊ शकतो, असेही निर्बंध लावण्यात आले आहेत. कोविड प्रकरणांमध्ये वाढ होत असताना, शेजारच्या चीनने चांगचुन शहरात लॉकडाउन लादण्याचा निर्णय घेतला आहे. या शहराची लोकसंख्या ९ दशलक्ष आहे. कोविड -19 प्रकरणांमध्ये नवीन वाढ होत असल्याने हे पाऊल उचलण्यात आले आहे.
अनावश्यक व्यवसाय बंद
लॉकडाऊन नियमांनुसार, दोन दिवसांनी कुटुंबातील फक्त एक सदस्य अन्न आणि इतर आवश्यक वस्तू खरेदी करण्यासाठी बाहेर जाऊ शकतो. प्रत्येकाची कोविड-संबंधित लक्षणांसाठी चाचणी केली जाईल. याची खात्री करण्यासाठी, चीनी सरकारने स्थानिक रहिवाशांना सामूहिक चाचणीच्या तीन फेऱ्या घेण्याचे आदेश दिले आहेत. चीनमध्ये लावण्यात आलेल्या नियमानुसार सर्व प्रकारचे अनावश्यक व्यवसाय बंद ठेवण्याचे आदेश दिले आहेत. वाहतूक सेवा बंद करण्यात आली आहे.
शुक्रवारी ३९७ नवीन केसेस
चीन सरकारने पूर्वेकडील शानडोंग प्रांतातील ५ लाख लोकसंख्येचे शहर युचेंग येथेही लॉकडाऊन लागू केले आहे. चीनमध्ये शुक्रवारी 397 कोविड प्रकरणे नोंदवली गेली, त्यापैकी 98 चांगचुनच्या आसपास असलेल्या जिलिन प्रांतात आहेत. संपूर्ण प्रांतात, गेल्या आठवड्याच्या अखेरीस सर्वात नवीन उद्रेक झाल्यापासून प्रकरणे 1,100 पेक्षा जास्त झाली आहेत. चिनी अधिकाऱ्यांनी सांगितले की ते कोणत्याही भागात एकापेक्षा जास्त प्रकरणे आढळल्यास ते लॉक डाऊन करतील. चांगचुन शहरात शुक्रवारी फक्त दोन प्रकरणे नोंदवली गेली. जिलिन शहरात आणखी 93 प्रकरणे नोंदवली गेली. शहरात आंशिक लॉकडाऊन लागू करण्यात आला आहे.
