मुंबई :बॉलिवूड अभिनेत्री आणि फिटनेस क्वीन शिल्पा शेट्टीची गणना सोशल मीडियावर सक्रिय असणाऱ्या स्टार्समध्ये केली जाते. शिल्पा इस्टाग्रामवर नेहमीच तिच्या चाहत्यासोबत पोस्ट शेअर करत असते. क्वचितच असा दिवस जाईल की जेव्हा शिल्पा तिच्या इंस्टाग्रामवर पोस्ट करत नसेल. शिल्पा शेट्टीचे इन्स्टाग्रामवर खूप फॉलोअर्स आहेत. याशिवाय तिचे चाहते तिच्या पोस्टला भरभरून प्रेम देत असतात, शिल्पा अनेक छोट्या मोठ्या कार्यक्रमाचे फोटो आपल्या इंस्टाग्राम पेजवर पोस्ट करत असते. शिल्पाचे इन्स्टाग्रामवर ३० दशलक्ष फॉलोअर्स आहेत. इन्स्टाग्रामवर ३० दशलक्ष झाल्याबद्दल तिने तिच्या चाहत्यांना याबद्दलची कल्पना दिली आहे.
शिल्पा शेट्टीने आनंदाने उड्या मारल्या :इन्स्टाग्रामवर ३० दशलक्ष फॉलोअर्स झाल्यानंतर ती खूप खूश आहे. या दिवसाला साजरे करत ती उड्या मारत आहे. या निमित्य शिल्पा शेट्टीने एक पोस्ट शेअर केली आहे, ज्यात तिने लिहले, 'माझ्या प्रिय इंस्टा परिवार, माझा हा प्रवास अविस्मरणीय बनवल्याबद्दल तुमचे खूप खूप आभार, माझे ३० दशलक्ष लोकांचे कुटुंब मजबूत राहावे अशी माझी इच्छा आहे, माझे मन तुमचे आभारी आहे आणि तुम्हा सर्वांवर माझे प्रेम आहे. शिल्पा शेट्टीची इन्स्टा फॅमिली इतकी का वाढली, कारण तिने काही दिवसापूर्वी देशभरातील वाढत्या टोमॅटोच्या किंमतीवर रील बनवला होता आणि तो रील तिने सोशल मीडियावर शेअर केली होती. त्यानंतर शिल्पाला अनेकजण इंस्टा पेजवर फॉलो करायला लागले होते.