Mahesh Babu reviews Jawan : साउथ सुपरस्टार महेश बाबूनं पाहिला 'जवान'; शाहरुखचं केलं कौतुक...

Mahesh Babu reviews Jawan : महेश बाबू यांनी जवान चित्रपट पाहिला. त्यावर महेश बाबूने 'जवान'चा रिव्ह्यू दिला आहे. शाहरुख खानचा चित्रपट ब्लॉकबस्टर असल्याचे त्यानं सांगितलं आणि त्याचं मनापासून कौतुक केलं.

हैदराबाद : Mahesh Babu reviews Jawanशाहरुख खानच्या जवान या चित्रपटाची सर्वत्र चर्चा होत आहे. सोशल मीडियावर त्याचे चाहते प्रेमाचा वर्षाव करत आहेत. त्याचवेळी अ‍ॅटली दिग्दर्शित या चित्रपटाचे सर्व सेलिब्रिटी देखील कौतुक करत आहेत. कंगना राणौतनंतर आता साऊथचा सुपरस्टार महेश बाबूनेही हा चित्रपट पाहिला असून त्याचे रिव्ह्यू शेअर केले आहेत. जवानने भारतात बॉक्स ऑफिसवर 75 कोटींची ओपनिंग दिली आहे. यासोबतच हा बॉलिवूडचा सर्वात मोठा ओपनिंग करणारा चित्रपट झाला आहे. महेश बाबू यांनी जवानला ब्लॉकबस्टर चित्रपटही म्हटलं आहं.

अशी केली एक्स सोशल मीडियावर पोस्ट : किंग खान त्याच्या कारकिर्दीतील सर्वोत्तम गोष्टी घेऊन येतो. चित्रपटाबद्दल पोस्ट करत त्याने लिहिले की, "जवान... ब्लॉकबस्टर सिनेमा... दिग्दर्शक अ‍ॅटलीने स्वत: किंगसह मनोरंजन करणारा राजा दिला आहे. शाहरुख खानने आपल्या कारकिर्दीतील सर्वोत्कृष्ट गोष्ट समोर आणली... शाहरुख खानचा लूक ", द करिश्मा आणि स्क्रीन प्रेझेन्स अतुलनीय आहे.. तो इथे आग लावतोय!! जवान स्वत:चाच विक्रम मोडेल.. किती मस्त आहे!!

शाहरुख खान आणि महेश बाबू चांगले मित्र : शाहरुख खान आणि महेश बाबू अनेक वर्षांपासून चांगले मित्र आहेत. 2015 मध्ये शाहरुख 'दिलवाले'च्या शूटिंगसाठी हैदराबादला गेला होता. तिथले शूटिंग संपवून तो महेश बाबूच्या चित्रपटाच्या सेटवर गेला. त्यावेळी महेश 'ब्रह्मोत्सवम्' नावाच्या चित्रपटाचे शूटिंग करत होता. जवान रिलीज होण्याआधीच महेश बाबूने चित्रपटाविषयी पोस्ट केली होती आणि लिहिले होते - "जवानची वेळ आली आहे. शाहरुख खानची ताकद आणि लोकांमध्ये त्याच्याबद्दल असलेला वेडेपणा संपूर्णपणे प्रदर्शित होत आहे. सर्वत्र हा चित्रपट प्रदर्शित होत आहे.

सिनेमागृहांबाहेर चाहत्यांची गर्दी : शाहरुख खान आणि अ‍ॅटली पहिल्यांदाच 'जवान' चित्रपटाद्वारे एकत्र आले आहेत. 'जवान' हा आज चित्रपटगृहांमध्ये प्रदर्शित झाला असून सिनेमागृहांबाहेर चाहत्यांची गर्दी पाहायला मिळत आहे. मीडिया रिपोर्टनुसार हा चित्रपट पहिल्याच दिवशी प्रचंड कमाई करेल असं सांगितलं जात आहे. 'जवान'मध्ये साऊथमधील कलाकार मोठ्या संख्येने आहेत. 'जवान'चं काम सहा हाय-प्रोफाइल अ‍ॅक्शन डायरेक्टर्सला दिलं होतं. या चित्रपटामध्ये किंग खानने वडील आणि मुलाची दुहेरी भूमिका साकारली आहे.

हेही वाचा :