पुणे- मुख्यमंत्री उद्धव ठाकरेंच्या साथीदाराचे ( Minister Uddhav Thackeray ) संबंध कसाबशी असल्याचा आरोप भाजप नेते किरीट सोमैया ( BJP Leader Kirit Somaiya ) यांनी केला आहे. यशवंत जाधव हे उद्धव ठाकरेंचे निकटवर्तीय आहेत. जाधव यांनी सुमारे एक हजार कोटींचा घोटाळा केल्याचा आरोपही सोमैया यांनी केला आहे. पुण्यात भाजप पक्ष कार्यालयात ते बोलत होते.
80 कोटी रुपयांची मलबार हिल येथील एक मालमत्ता विकत -शिवसेना नेते यशवंत जाधव यांच्या 53 इमारती आयकर विभागाने बेनामी संपत्ती म्हणून घोषित केल्या आहेत. यशवंत जाधव हे बिमल कुमार, रामगोपाल अग्रवाल यांचे भागीदार आहेत. बिमल अग्रवाल यांचा बुलेटप्रुफ जॅकेट घोटाळा जग प्रसिद्ध आहे. मुंबईत झालेल्या 26/11 हल्ल्याच्यावेळी हा घोटाळा उघडकीस आला होता. बिमल अग्रवाल आणि यशवंत जाधव सोबत यांनी भागीदारीत कंपनी सुरू केली. त्या कंपनीचे नाव समर्थ इरेक्टर्स आणि डेव्हलपर्स, असे आहे. समर्थ इरेक्टर्स आणि डेव्हलपर्स या भागीदारी कंपनीने बद्री इन्फ्रा प्रोजेक्ट्स प्रा.लि.कडून 80 कोटी रुपयांची मलबार हिल येथील एक मालमत्ता विकत घेतल्याचा आरोपही सोमैयांनी यावेळी केला.
14 रुपये वाढवून दीड रुपया कमी करताय - सोमैया यांना महागाईवर विचारले असता ते म्हणाले, मुख्यमंत्री उद्धव ठाकरे हे राज्याच्या जनतेला मूर्ख समजत आहेत. लूटमार करायची म्हणून तुम्हाला सरकारच्या तिजोरीत पैसे हवे. हे पैसे मेट्रोच्या कामासाठी नाही तर त्यांना वसुली साठी हवे आहे. मोदी सरकारने जो 4 वर्षात 19 रुपये कर वाढवला तो पूर्ण कर कमी केला आहे. देशातील जनतेला दिलासा दिला आहे. पण, राज्य सरकारने या दोन वर्षात 14 रुपये पेट्रोल डिझेलमध्ये वाढ केली. पेट्रोल डिझेल हा जीएसटीमध्ये येत नाही. 14 रुपये वाढवून दीड रुपया कमी करत आहे, अशी टिका यावेळी सोमैया यांनी ठाकरे सरकारवर केली.