बंगळुरू - कर्नाटक सरकारने कोरोनाच्या पार्श्वभूमीवर कठोर उपायोजना करण्यास सुरुवात केली आहे. राज्यामध्ये रात्रीची संचारबंदी लागू करण्यात आली आहे. केरळ व महाराष्ट्राशी सीमा असलेल्या जिल्ह्यांमध्ये आठवडाखेर (Week End) संचारबंदी लागू करण्याचा निर्णय घेतला आहे. ही माहिती मुख्यमंत्री मुख्यमंत्री बसवराज बोम्माई यांनी माध्यमांनी दिली.
मुख्यमंत्री बसवराज बोम्माई यांनी कोव्हिड व्यवस्थापनाबाबत मंत्री, कोव्हिड टास्क फोर्सचे सदस्य आणि विविध विभागांच्या वरिष्ठ अधिकाऱ्यांची भेट घेतली. या बैठकीत राज्यातील कोरोनाच्या स्थितीबाबत चर्चा करण्यात आली.
हेही वाचा-VIDE पुरात पूल ओलांडण्याचे धाडस आले जीवावर, तरुणाने 'असे' वाचविले प्राण
महाराष्ट्र, केरळशी सीमा असलेल्या जिल्ह्यांमध्ये आठवडाखेर संचारबंदीची अंमलबजावणी करण्यात येत आहे. रात्री 8 ते सकाळी 10 वाजेपर्यंत कर्नाटकमध्ये संचारबंदी लागू करण्यात येणार असल्याचे मुख्यमंत्र्यांनी सांगितले. नववी, दहावी आणि बारावीच्या विद्यार्थ्यांना बॅचप्रमाणे 23 ऑगस्टला शाळेमध्ये येण्याची परवानगी दिली आहे. कोरोनाच्या स्थितीचा आढावा घेऊन इतर वर्गांसाठी शाळा सुरू करण्याबाबत निर्णय घेण्यात येणार आहे.
हेही वाचा-न्यायाधीशांच्या संरक्षणाकरिता सीबीआयने काहीही केले नाही- सर्वोच्च न्यायालय
मंत्र्यांचे खातेवाटप-
उद्या मंत्र्यांना खातेवाटप आणि नवीन कोव्हिड टास्क फोर्स करण्यात करण्यात येणार असल्याचे मुख्यमंत्री बसवराज बोम्माई यांनी सांगितले. मुख्यमंत्र्याच्या बैठकीला मंत्री डॉ. सी. एन. अश्वत्थ नारायण, डॉ. के. सुधाकर, राज्याचे मुख्य सचिव रवीकुमार, स्पेशलिस्ट डॉक्टर सी. एन. मंजुनाथ, डॉ. सुदर्शन, डॉ. देवीप्रसाद शेट्टी हे उपस्थित होते.
हेही वाचा-शरद पवारांनी कर्नाटकच्या मुख्यमंत्र्यांची बंगळुरूमध्ये घेतली भेट; 'या' विषयावर चर्चा
शरद पवारांनी मुख्यमंत्री बोम्माई यांची घेतली भेट
दरम्यान, महाराष्ट्राचे माजी मुख्यमंत्री शरद पवार यांनी कर्नाटकचे मुख्यमंत्री बसवराज बोम्माई यांची शनिवारी बंगळुरूमध्ये भेट घेतली. राष्ट्रवादी काँग्रेस पक्षाचे अध्यक्ष शरद पवार हे कुटुंबातील सदस्याच्या लग्नानिमित्त बंगळुरूला आले आहेत. शरद पवार आणि बसवराज बोम्माई यांच्या भेटीत दोन्ही राज्यांमधील पुरस्थितीत एकमेकांना सहकार्य करण्याविषयी चर्चा करण्यात आली. राज्यांमधील पाण्याबाबतचा वाद आणि सामाईक नद्यांबाबत चर्चा करण्याचे दोन्ही नेत्यांनी दिल्लीमध्ये ठरविले होते
