नवी दिल्ली : गेल्या 24 तासांमध्ये देशात तब्बल 97 हजार 894 नव्या कोरोना रुग्णांची नोंद झाली. यामुळे देशातील एकूण कोरोना रुग्णांची संख्या 51 लाखांवर गेली आहे. केंद्रीय आरोग्य मंत्रालयाने गुरुवारी याबाबत माहिती दिली.
यासोबतच, काल दिवसभरात एकूण 1,132 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 83 हजार 198 झाली आहे. आतापर्यंत देशभरात 51 लाख 18 हजार 254 कोरोना रुग्णांची नोंद झाली असून, त्यांपैकी 10 लाख 9 हजार 976 रुग्ण अ‌ॅक्टिव्ह आहेत. तसेच, आतापर्यंत 40 लाख 25 हजार 80 रुग्णांवर यशस्वी उपचार करण्यात आले आहेत.