പാലക്കാട്: മത്സരയോട്ടത്തിന് കുതിരയ്ക്ക് വേഗം കൂട്ടാന് ഇലക്ട്രിക് ഷോക്കും കാളയെ മെരുക്കാന് അടിയും ഇടിയും. ഞായറാഴ്ച മണ്ണുത്തി- വാളയാര് ദേശീയ പാതയില് ഗതാഗതം തടസപ്പെടുത്തിയായിരുന്നു മിണ്ടാപ്രാണികളോടുള്ള ഈ ക്രൂരത.
പുതുവത്സര ദിനത്തില് തമിഴ്നാട്ടില് നടക്കുന്ന മത്സരത്തില് പങ്കെടുപ്പിക്കുന്നതിന് വേണ്ടിയുള്ള തയ്യാറെടുപ്പുകളുടെ ഭാഗമായിട്ടായിരുന്നു പരിശീലനം. തിരക്കുള്ള പാതയായിരുന്നതിനാല് ചരക്ക് ലോറി ഉള്പ്പെടെ നിരവധി വാഹനങ്ങള് കുരുക്കില്പെട്ടു.