എറണാകുളം: നടിയെ ആക്രമിച്ച കേസിൽ തുടരന്വേഷണം തടയണമെന്ന ആവശ്യവുമായി എട്ടാം പ്രതിയും നടനുമായ ദിലീപ്. സംവിധായകൻ ബാലചന്ദ്ര കുമാറിന്‍റെ വെളിപ്പെടുത്തലിന്‍റെ അടിസ്ഥാനത്തിലുള്ള തുടരന്വേഷണം തടയണമെന്ന് ആവശ്യപ്പെട്ടാണ്‌ ദിലീപ് ഹൈക്കോടതിയിൽ ഹർജി നൽകിയത്‌. നടപടിക്രമം പാലിക്കാതെയാണ് തുടരന്വേഷണം നടത്തുന്നതെന്നാണ് ദിലീപിന്‍റെ ആരോപണം.
Dileep plea in high court: വിചാരണ വൈകിപ്പിക്കുകയാണ് തുടരന്വേഷണത്തിന്‍റെ ലക്ഷൃം. വിചാരണ ഒരു മാസം നീട്ടിവച്ചത് നീതികരിക്കാനാവില്ലെന്നും വിചാരണക്കോടതിയുടെ അനുമതി ലഭിക്കും മുമ്പാണ്‌ തുടരന്വേഷണം ആരംഭിച്ചതെന്നും ഹൈക്കോടതിയില്‍ സമര്‍പ്പിച്ച ഹര്‍ജിയില്‍ പറയുന്നു. വിചാരണ കോടതിയിൽ സമർപ്പിച്ച തുടരന്വേഷണ റിപ്പോർട്ട് റദ്ദാക്കണമെന്നാണ് ദിലീപിന്‍റെ ആവശ്യം.