മുന്നറിയിപ്പില്ലാതെ മംഗലാപുരത്തിറക്കി എയർഇന്ത്യ 376 വിമാനം (Source : ETV BHARAT REPORTER)
കാസർകോട് : ദോഹയിൽ നിന്ന് കോഴിക്കോട്ടെക്കുള്ള എയർഇന്ത്യ 376 വിമാനം മുന്നറിയിപ്പില്ലാതെ മംഗലാപുരത്ത് ഇറക്കിയതായി യാത്രക്കാരുടെ പരാതി. കോഴിക്കോട് ഇന്നലെ വൈകിട്ട് 7.30 ന് എത്തേണ്ട വിമാനം മംഗലാപുരത്ത് ഇറക്കിയത് രാത്രി 9.30 ഓടെയെന്ന് യാത്രക്കാർ.
കാലാവസ്ഥ മോശമായതിനാൽ കോഴിക്കോടും കണ്ണൂരിലും വിമാനം ഇറക്കാൻ കഴിഞ്ഞില്ല. രാത്രി മുതൽ വിമാനത്തിൽ ഇരിക്കുകയാണെന്നും പലരുടെയും ആരോഗ്യാവസ്ഥ മോശമെന്നും യാത്രക്കാർ പറഞ്ഞു. വിമാനത്തിൽ കുട്ടികൾ ഉൾപ്പെടെ 180 യാത്രക്കാർ ആണ് ഉള്ളത്.
എയർഇന്ത്യ അധികൃതർ പരിഹാരം കാണുന്നില്ലെന്നും പരാതി ഉയരുന്നുണ്ട്. എയർഇന്ത്യ IX 376 വിമാനമാണ് മംഗലാപുരത്ത് ഇറങ്ങിയത്.
