સુરત: જિલ્લાના મહુવા તાલુકાના ખરવણ ગામે ભાટ ફળીયા નજીકથી પસાર થતી નહેરમાંથી એક મહિલાની હત્યા કરાયેલી હાલતમાં મૃતદેહ (Corpse Surat in the canal) મળી આવ્યો હતો. મહિલાના અન્ય વ્યક્તિ સાથે પ્રેમ સંબંધનો વહેમ રાખી તેના જ પ્રેમીએ હત્યા કરી (a lover killed his girlfriend) હોવાનો પોલીસ તપાસમાં ખુલાસો થયો છે. હાલ પોલીસે હત્યા કરનાર આરોપીને પકડવાના ચક્રો ગતિમાન કર્યા છે.
રવિવારે સવારે નહેરમાંથી મળ્યો હતો મૃતદેહ
મહુવા તાલુકાના ખરવણ ગામે (Murder In Kharvan) ભાટ ફળિયામાં નજીકથી પસાર થતી કાકરાપાર ડાબા કાંઠા ભીલખાડી દેદવાસણ માઇનર નહેરમાંથી રવિવારે સવારે એક મહિલાની હત્યા કરાયેલી હાલતમાં મૃતદેહ મળી આવી હતી. પોલીસ તપાસ દરમિયાન જાણવા મળ્યું હતું કે તેના જ વિસ્તારમાં રહેતા શખ્સનો મહિલા સાથે છેલ્લા એક વર્ષથી પ્રેમ સંબંધ હતો. તેને શંકા હતી કે મહિલાનું અન્ય વ્યક્તિ સાથે અફેર છે. આ જ શંકાને કારણે શનિવારે સાંજે તેણે મહિલા સાથે ઝઘડો કરી ધારદાર હથિયારથી માથામાં ઇજા કરી હત્યા કરી દીધી હતી અને મૃતદેહ નહેરમાં ફેંકી દીધો હતો.