ETV Bharat / entertainment

'મિસ્ટર એન્ડ મિસિસ માહી'નું નવું ગીત 'રોયા જબ તુ' રિલીઝ, લોકોએ કર્યા ભરપેટ વખાણ - MR AND MRS MAHI NEW SONG

author img

By ETV Bharat Gujarati Team

Published : May 28, 2024, 8:26 PM IST

Updated : May 28, 2024, 8:34 PM IST

રાજકુમાર રાવ અને જાન્હવી કપૂરની આગામી ફિલ્મ 'મિસ્ટર એન્ડ મિસિસ માહી'નું નવું ગીત 'રોયા જબ તુ' રિલીઝ કરવામાં આવ્યું છે. જે ચાહકોને ખૂબ જ પસંદ આવી રહ્યું છે.

Etv BharatMr And Mrs Mahi new song
Etv BharatMr And Mrs Mahi new song (Etv Bharat)

મુંબઈ: મિસ્ટર એન્ડ મિસિસ માહી થોડા દિવસોમાં રિલીઝ થવા જઈ રહી છે, આ દરમિયાન મેકર્સે ફિલ્મના મ્યુઝિક આલ્બમનું ત્રીજું ટ્રેક 'રોયા જબ તુ' રિલીઝ કર્યું છે. આ ગીતમાં રાજકુમાર અને જ્હાન્વી વચ્ચેની ભાવનાત્મક ક્ષણો બતાવવામાં આવી છે. આ ગીત અત્યાર સુધી રિલીઝ થયેલા ઉત્સાહી ગીતો કરતાં અલગ છે. આ ગીતમાં રાજકુમાર અને જ્હાન્વી વચ્ચે દર્દ અને ઈમોશન બતાવવામાં આવ્યું છે.

ચાહકોએ આ પ્રતિક્રિયાઓ આપી: 'રોયા જબ તુ' વિશાલ મિશ્રાએ ગાયું છે જ્યારે આ ગીત વિશાલ અને અઝીમ દયાની દ્વારા લખાયું છે. આ ટ્રેકનો મ્યુઝિક વિડિયો જ્હાન્વી કપૂર અને રાજકુમાર રાવ દ્વારા ભજવવામાં આવેલા પાત્રો વચ્ચેની લડાઈથી શરૂ થાય છે. વિડીયો સોંગમાં બંને વચ્ચેની પીડા અને લાગણીને દર્શાવવામાં આવી છે. આ ગીત પર ચાહકોએ વિવિધ પ્રકારની પ્રતિક્રિયાઓ આપી છે. એકે કોમેન્ટ કરી, 'રોયા જબ તુ', વાહ ગીતના શબ્દો ખૂબ જ હળવા છે. એક યુઝરે કમેન્ટ કરી, 'વિશાલનો અવાજ મધુર છે. જ્યારે એકે લખ્યું, 'આ ફિલ્મની આતુરતાથી રાહ જોઈ રહ્યા છીએ'.

આ દિવસે સિનેમાઘરોમાં રિલીઝ થશે: 'મિસ્ટર એન્ડ મિસિસ માહી' કરણ જોહરના ધર્મા પ્રોડક્શનના બેનર હેઠળ બની રહી છે. આ ફિલ્મનું નિર્દેશન શરણ શર્માએ કર્યું છે, જેમણે ગુંજન સક્સેનાઃ ધ કારગિલ ગર્લનું નિર્દેશન કર્યું હતું. મિસ્ટર અને મિસિસ માહીમાં ક્રિકેટરની ભૂમિકા ભજવવા માટે, જ્હાન્વીને બે વર્ષની સખત તાલીમ લેવી પડી હતી. આ ફિલ્મ 31 મેના રોજ સિનેમાઘરોમાં રિલીઝ થશે.

  1. KKR એ IPL 2024ની ટ્રોફી ઉપાડી, 'મિસ્ટર એન્ડ મિસિસ માહી'એ સ્ટેડિયમમાં કરી ઉજવણી - MR AND MRS MAHI
Last Updated : May 28, 2024, 8:34 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.