- બિપિન રાવત સહિત તમામ મૃતદેહ દિલ્હી પહોંચ્યા
- PM મોદી દ્વારા તમામ પાર્થિવ દેહને શ્રદ્ધાંજલિ પાઠવવામાં આવી
- દેશના પ્રથમ ચીફ ઓફ ડિફેન્સ સ્ટાફ જનરલ બિપિન રાવત
નવી દિલ્હી: દેશના પ્રથમ ચીફ ઓફ ડિફેન્સ સ્ટાફ જનરલ બિપિન રાવત, જેમણે તમિલનાડુમાં કુન્નુર પાસે હેલિકોપ્ટર દુર્ઘટનામાં જીવ ગુમાવ્યો હતો, તેમના પાર્થિવ દેહને આજે દિલ્હી (Mortal remains of CDS Bipin Rawat reached Delhi) લાવવામાં આવ્યો છે. જ્યાં PM મોદી અને રાજનાથ સિંહ દ્વારા તમામ પાર્થિવ દેહને શ્રદ્ધાંજલિ પાઠવવામાં આવી હતી. ઉપરાંત મૃતકોના પરીવારને પણ મળ્યા હતા.
એરક્રાફ્ટમાં 13 મૃતદેહો સુલુરથી દિલ્હી લાવવામાં આવ્યા
ભારતીય વાયુસેનાના C-130J સુપર હર્ક્યુલસ ટ્રાન્સપોર્ટ એરક્રાફ્ટમાં 13 મૃતદેહો સુલુરથી દિલ્હી લાવવામાં આવ્યા છે. જનરલ રાવતનો સંપૂર્ણ સૈન્ય સન્માન સાથે અંતિમ સંસ્કાર કરવામાં આવશે અને અન્ય વિદાય પામેલા સૈન્ય કર્મચારીઓને પણ યોગ્ય સૈન્ય સન્માન સાથે અંતિમ સંસ્કાર કરવામાં આવશે. તમિલનાડુમાં હેલિકોપ્ટર દુર્ઘટનામાં ભારતીય વાયુસેનાએ જણાવ્યું હતું કે જનરલ રાવત (CDS Bipin Rawat), તેમની પત્ની અને 11 લોકો મૃત્યુ પામ્યા હતા. તમિલનાડુમાં કુન્નુર પાસે હેલિકોપ્ટર દુર્ઘટનામાં અન્ય લોકોના મોત થયા હતા.