গোলাঘাট, 7 এপ্ৰিল : গজ মহোৎসৱৰ উদ্বোধনী সভাৰ দিনাই অথন্তৰ ৷ পানীয়ে সৃষ্টি কৰিলে অথন্তৰৰ ৷ ৰাষ্ট্ৰপতিৰ সভাত উপস্থিত হোৱা একাংশ মহিলা ক্ষোভিত হৈ পৰিল খোৱাপানীক লৈ (President Droupodi Murmu Assam visit) ৷
উল্লেখ্য যে, সভাস্থলীত নিৰাপত্তাৰ দায়িত্বত থকা নিৰাপত্তাৰক্ষীয়ে পানীৰ বটল সভাস্থলীত প্ৰৱেশৰ ক্ষেত্ৰত বাধা প্ৰদান কৰিছিল আৰু ইয়াতেই ক্ষোভিত হৈ পৰে মহিলাসকল ৷ পানীৰ বটল কাঢ়ি নিয়াৰ অভিযোগ উত্থাপন কৰিছে নিৰাপত্তাৰক্ষীৰ বিৰুদ্ধে ৷ আক্ষেপজনিত বিষয় যে, ৰাষ্ট্ৰপতিৰ সভাত আয়োজক সমিতিয়ে কৰা নাছিল কোনোধৰণৰ খোৱাপানীৰ ব্যৱস্থা ৷ এই কথাতে অসন্তুষ্ট হৈ তথা পানীৰ পিয়াহত আতুৰ হৈ সভাস্থলী পৰিত্যাগ কৰে বহু ক্ষোভিত মহিলা ৷