মহিলাৰ প্ৰসাধন সামগ্ৰীৰ মূল্য দিনক দিনে বৃদ্ধি পাবলৈ আৰম্ভ কৰিছে ৷ সৌন্দৰ্য আৰু ছালৰ যত্নৰ সামগ্ৰী বজাৰত আজিকালি অতি ব্যয়বহুল । বহু মহিলাই এই সামগ্ৰীসমূহত পানীৰ দৰে ধন খৰচ কৰে যিয়ে কিছু সময়ৰ বাবেহে মুখখন উজ্জ্বল কৰি ৰাখে, আৰু বহু সময়ত তেওঁলোকে বিচৰা ধৰণে ফলাফল নাপায় । ছালৰ যত্নৰ বাবে স্ক্ৰাবিং কৰাটো অতি গুৰুত্বপূৰ্ণ কাম, যাৰ বাবে ছিদ্ৰত জমা হোৱা মলি ওলাই আহে আৰু ছালখন কোমল আৰু চিকচিকিয়া দেখা যায় । সেইবাবেই সপ্তাহত এবাৰ বা দুবাৰ এক্সফোলিয়েচন কৰাটো প্ৰয়োজনীয় বুলি কোৱা হয়, কিন্তু যদি আপুনি ইয়াৰ বাবে দামী স্ক্ৰাবত ধন অপচয় কৰিব নিবিচাৰে, তেন্তে আপোনাৰ পাকঘৰত থকা এনেকুৱা বহুতো বস্তু আছে, যিয়ে ছালখন পৰিষ্কাৰ আৰু কোমল কৰি তোলাত সহায় কৰিব পাৰে ৷
কফি
কফি অতি ফলপ্ৰসূ এক্সফোলিয়েটৰ । কফিত থকা কেফেইন ছালৰ বাবে এক উৎকৃষ্ট এন্টি অক্সিডেন্ট । ই ছালৰ পৰা মলি আৰু মৃত কোষ আঁতৰাই পেলোৱাত সহায় কৰে । কফিয়ে ছালৰ ৰঙো উন্নত কৰে । লগতে প্ৰদাহ কম কৰে ।
এইদৰে ব্যৱহাৰ কৰক
- কফি স্ক্ৰাব তৈয়াৰ কৰিবলৈ কফিৰ লগত অলিভ অইল মিহলাই লওক ।
- ইয়াৰ দ্বাৰা মুখ, হাত-ভৰি ধুই কিছু সময়ৰ পিছত ধুই লওক ।