ৰাষ্ট্ৰীয় য়ুথ গেমছ ফুটবলত চেম্পিয়ন অসম

পণ্ডীছেৰী ইন্দিৰা গান্ধী স্পৰ্ট‌চ কমপ্লেক্সত অনুষ্ঠিত হোৱা ফুটবলখেলখনত অংশগ্ৰহণ কৰে মুঠ আঠটা দলে ৷ অসমকে ধৰি নেপাল, ত্ৰিপুৰা, অন্ধ্ৰপ্ৰদেশ, দিল্লী, উত্তৰ প্ৰদেশ ,তেলেংগানাকে আদি কৰি ঘৰুৱা দল পণ্ডীছেৰীয়ে অংশগ্ৰহণ কৰে।

কলিয়াবৰ,10 চেপ্তেম্বৰঃচলিত বৰ্ষৰ আগষ্ট মাহৰ ৩০ আগষ্টৰ পৰা ১ চেপ্তম্বৰলৈ য়ুথ গেমছ এছ'ছিয়েছন অৱ পণ্ডীচেৰীৰ উদ‍্যোগত নেহৰু যুৱ কেন্দ্ৰৰ সহযোগত তথা ভাৰতীয় য়ুথ স্পৰ্টচ এছ'ছিয়েছনৰ তত্বাৱধানত এখন ফুটবল প্ৰতিযোগিতা অনুষ্ঠিত হয় ৷ পণ্ডীছেৰী ইন্দিৰা গান্ধী স্পৰ্ট‌চ কমপ্লেক্সত অনুষ্ঠিত হোৱা ফুটবলখনত অংশগ্ৰহণ কৰে মুঠ আঠটা দলে ৷ অসমকে ধৰি নেপাল, ত্ৰিপুৰা, অন্ধ্ৰপ্ৰদেশ, দিল্লী, উত্তৰ প্ৰদেশ, তেলেঙ্গানা ঘৰুৱা দল পণ্ডীছেৰীয়ে অংশগ্ৰহণ কৰে। অসমৰ ৩০ জনীয়া ফুটবল দলটোত স্থান পোৱা কলিয়াবৰৰ চাৰি ফুটবল খেলুৱৈ গৌতম ভূঞা, হিৰকজ‍্যোতি বৰা, নয়নমণি কলিতা, দীপ হাজোৱাৰীক মঙলবাৰে আনুষ্ঠানিকভাৱে নিজ গাঁও জমখলাত সম্বৰ্দ্ধনা জনোৱা হয়। উল্লেখ্য যে ফুটবল প্ৰতিযোগিতাৰ ফাইনেলত অসমে ঘৰুৱা দল পণ্ডীছেৰীক ২–১ গ'লত পৰাস্ত কৰে।