বাইহাটা,20 মাৰ্চঃকামৰূপৰ চাংসাৰিত চিলনী চোৰৰ টিঘিল-ঘিলনি । দিন-দুপৰতে চিলনী চোৰে ঘৰৰ সন্মুখৰ পৰা কাঢ়ি নিলে এক লাখ টকা । চাংসাৰি ৰে’ল ষ্টেচনৰ ওচৰৰ জোনটি চৌধুৰী নামৰ ব্যক্তি গৰাকীয়ে চাংসাৰিস্থিত ভাৰতীয় ষ্টেট বেংকৰ পৰা গৃহ নিৰ্মাণৰ কামৰ বাবে উলিয়াই আনিছিল নগদ ধন । ইপিনে পূৰ্বৰে পৰা চিলনী চোৰ দুজনে খাপ পিটি থকাৰ উমান পোৱা নাছিল চৌধুৰীয়ে । নিজ গৃহৰ নঙলামুখ পোৱাৰ পিচত বাইকৰ পৰা নামিব লোৱাৰ সময়তে পিচে পিচে নম্বৰ প্লেটবিহীন এখন স্কুটীত অহা চিলনী চোৰ দুজনে কাঢ়ি নিয়ে টকাৰ বেগটো ।
চাংসাৰি ৰে’ল ষ্টেচনৰ ওচৰৰ জোনটি চৌধুৰী নামৰ ব্যক্তি গৰাকীয়ে চাংসাৰিস্থিত ভাৰতীয় ষ্টেট বেংকৰ পৰা গৃহ নিৰ্মাণৰ বাবে উলিয়াই আনিছিল ধন । ঘৰলৈ অহাৰ সময়তে চোৰ দুটাই কাঢ়ি নিছিল ধনখিনি ৷
আনহাতে, পিচে পিচে খেদি গৈ চাংসাৰিৰ লক্ষ্মী মন্দিৰৰ ওচৰত জোনটি চৌধুৰীয়ে স্কুটীখনক খুন্দিয়াই বগৰাই দিয়ে আৰু দুয়োজনকে কৰায়ত্ব কৰে যদিও এটা চোৰ পলাই যাবলৈ সক্ষম হয় । ধৃত চিলনী চোৰটো জলপাইগুৰিৰ ৰিথি ৰয় ৷ জোনটি চৌধুৰীক চোৰ ধৰা কামত সহযোগ কৰে আন এজন বাইক আৰোহীয়ে ।
লগতে পঢ়কঃ ঢোলৰ মাতত গুম-গুমাইছে চৌকিদিঙীৰ আকাশ-বতাহ