গুৱাহাটী, 4 জানুৱাৰী :এতিয়াও মাৰ যোৱা নাই মহানগৰীৰ ওদালবাক্ৰাৰ মডাৰ্ণ ইংলিছ স্কুলৰ অষ্টম শ্ৰেণীত অধ্যয়ন কৰা এগৰাকী ছাত্ৰীৰ আত্মহত্যা ঘটনাৰ উত্তেজনা (Guwahati girl suicide case) ৷ এই আত্মহত্যা ঘটনাৰ সন্দৰ্ভত মঙলবাৰে কামৰূপ মহানগৰ জিলাৰ অতিৰিক্ত জিলা দণ্ডাধীশ ৰিমঝিম কোঁৱৰ(District Magistrate Rimjhim Konwar)ৰ ১৩ নম্বৰ কোঠাত সাক্ষ্য গ্ৰহণ কৰা হয় । মৰ্ডাণ স্কুলৰ ছাত্ৰী গৰাকীৰ আত্মহত্যাৰ ঘটনা সন্দৰ্ভত প্ৰায় ৭০ জন লোকে সাক্ষ্য প্ৰদান কৰা হয় ।
দণ্ডাধীশ ৰিমঝিম কোঁৱৰে সাক্ষীসকলৰ জৱান বন্দী লিপিবদ্ধ কৰে । মৰ্ডাণ স্কুলৰ অধ্যক্ষৰ জোনালী দাস মানসিক নিৰ্যাতন সহিব নোৱাৰি এই চৰম পথ বাছি লোৱা বুলি পৰিয়ালৰ লোকে আৰু সাক্ষীসকলে দণ্ডাধীশৰ আগত সাক্ষ্য প্ৰদান কৰে । লগতে Instragram ত ছাত্ৰী গৰাকীক পঞ্চম মহলাৰ জপিয়াবলৈ এজন বন্ধুৱে উচটনি দিছিল বুলি সাক্ষীসকলে দণ্ডাধীশৰ আগত সাক্ষ্য প্ৰদান কৰে ।
শীঘ্ৰে অধ্যক্ষা জোনালী দাস আৰু ছাত্ৰী গৰাকীৰ বন্ধুজনক তদন্তৰ আওতালৈ অনাৰ বাবে ছাত্ৰী গৰাকীৰ পৰিয়ালে দণ্ডাধীশৰ আগত দাবী কৰে ।