গুৱাহাটী,22 ডিচেম্বৰ:বহু প্ৰতীক্ষাৰ অন্তত শীঘ্ৰে মুক্তি লাভ কৰিব হিমাংশু প্ৰসাদ দাসৰ পৰিচালনাৰে নিৰ্মিত ছবি গৰু ৷ এই কথাছবিখনে মুক্তি লাভ কৰিব ২৩ জানুৱাৰীত ৷ হোটেল লেণ্ডমাৰ্কত মঙলবাৰে এক সংবাদমেল সম্বোধন কৰি এই কথা অৱগত কৰে ছবিখনৰ পৰিচালক হিমাংশু প্ৰসাদ দাসে ৷ ৰাজ্যৰ ৩২৫ টা স্থানৰ ছবিগৃহৰ সমান্তৰালকৈ গৰুৱে মুক্তি লাভ কৰিব প্ৰেক্ষাগৃহ তথা নাট্য মন্দিৰতো ৷
উল্লেখ্য যে, ২২ জানুৱাৰীত মহানগৰীৰ উজান বজাৰস্থিত কুমাৰ ভাস্কৰ নাট্য মন্দিৰত প্ৰথম দৰ্শনী মুকলি হ’বলগীয়া গৰুত অভিনয় কৰিছে বাহাৰুল ইছলাম, পাকিজা বেগম, সিদ্ধাৰ্থ মুখাৰ্জী, কমল লোচন, চন্দন দাস, লনিশ্ৰী আদি অভিনেতা-অভিনেত্ৰীসকলে ৷ ইতিমধ্যে ছবিখনৰ প্ৰদৰ্শনীৰ বাবে ১২৫ টা স্থান ইতিমধ্যে চূড়ান্ত হৈছে ৷ বাকী ২০০ টা স্থান বৰ্তমান খালী হৈ আছে ৷ যদিহে ছবিখন নিজ অঞ্চলত প্ৰচাৰৰ বাবে কোনোৱে বুকিং কৰিব বিচাৰে, তেন্তে গৰুৰ নিৰ্মাণকাৰী দলৰ সৈতে যোগাযোগ কৰিবলৈ আহ্বান জনাইছে পৰিচালক দাসে ৷ ছবিখনত সংগীত ব্যৱস্থাপনা কৰিছে অংগৰাগ পাপন মহন্ত, নীল আকাশ, দীপলীনা ডেকা আদিয়ে ৷
লগতে চাওকঃ2018-19 চনৰ বিত্তীয় বৰ্ষৰ বাজেট জনসাধাৰণক আঁভূৱা ভৰাৰ বাজেট: ৰিপুণ বৰা
