হোজাই, 9 ছেপ্তেম্বৰ : হোজাই জিলাৰ সদৰ চকীত বৃহস্পতিবাৰে উপস্থিত হয় চি আৰ পি এফ(CRPF)ৰ 34 বেটেলিয়ানৰ মহানিৰ্দেশক সৰৱজিৎ সিং । হোজাই জিলা পৰিভ্ৰমণ কৰি মহা নিৰ্দেশক সৰৱজিৎ সিঙে জিলাখনত শান্তি শৃংখলা বজাই ৰখাৰ বাবে হোজাই জিলাবাসীক ধন্যবাদ জনোৱাৰ লগতে হোজাই জিলাখন অতি স্পৰ্শকাতৰ বুলি উল্লেখ কৰে ।
চি আৰ পি এফৰ মহানিৰ্দেশক সৰৱজিৎ সিঙে হোজাই জিলাৰ যুৱক-যুৱতীক চি আৰ পি এফত ভৰ্তি কৰাৰ বাবে ব্যৱস্থা গ্ৰহণ কৰাৰ কথা ব্যক্ত কৰে ৷
চি আৰ পি এফৰ মহানিৰ্দেশকগৰাকীয়ে অতি সোনকালে হোজাই জিলাখনত চি আৰ পি এফৰ কৰ্পফ বেটেলিয়ান কেম্প স্থাপন কৰাৰ কথা জানিবলৈ দিয়ে । তেওঁ হোজাই জিলাৰ পৰা বহু হাজাৰ যুৱক-যুৱতীয়ে চি আৰ পি এফত কৰ্মৰত হৈ থকা কথা সদৰি কৰে ৷ তেওঁ লগতে জিলাখনত উঠি অহা প্ৰজন্মৰ বাবে সুকীয়াকৈ নিয়োগৰ ব্যৱস্থা কৰা কথা জানিবলৈ দিয়ে ৷
হোজাই জিলাৰ সদৰ থানাত চি আৰ পি এফৰ মহানিৰ্দেশক সৰৱজিৎ সিং
মহা-নিৰ্দেশকগৰাকীয়ে আগন্তুক বৰ্ষত হোজাই জিলাৰ পৰা বহু যুৱক যুৱতীক চি আৰ পি এফত ভৰ্তিৰ নিৰ্দেশ দিয়াৰ লগতে ইয়াৰ বাবে ব্যৱস্থা গ্ৰহণ কৰাৰ আশ্বাস দিয়ে । চি আৰ পি এফৰ মহানিৰ্দেশকগৰাকীৰ লগতে উপস্থিত থাকে চি আৰ পি এফৰ উপ মহাপৰিদৰ্শক মহেন্দ্ৰ কুমাৰ, 34 বেটেলিয়ানৰ কামাণ্ডেণ্ট শিৱ শংকৰ উপাধ্যায় আৰু উপ কামাণ্ডেণ্ট ৰাম সিং ।
লগতে পঢ়ক :নিমাতীঘাটত উপস্থিত DGP ভাস্কৰজ্যোতি মহন্ত