টিংখাং, 5 জুনঃ বিশ্ব পৰিবেশ দিৱস উপলক্ষে ডিব্ৰুগড় জিলা সচেতন মহিলা মঞ্চই শুকুৰবাৰে জিলাখনৰ বিভিন্ন ঠাইত পৰিৱেশ দিৱস উদযাপন কৰে। টিংখাঙতো সচেতন মহিলা মঞ্চৰ নেতৃত্বত তথা স্থানীয় ৰাইজৰ সহযোগত টিংখাঙৰ ধমন কদমনি অঞ্চলৰ কণ কণ শিশুবোৰক লৈ ঐতিহাসিক হৰিসত্ৰ পথৰ পৰা দ-কদমণি সংযোগী পথত বিভিন্ন ফল মূলৰ গছৰ পুলি ৰোপণ কৰা হয়। মাস্ক পৰিধান আৰু সামাজিক দুৰত্ব বজাই ৰাখি সচেতন মঞ্চৰ উদ্যোগত গ্ৰহণ কৰা এই কাৰ্যসূচীৰ জৰিয়তে নৱপ্ৰজন্মৰ কণ কণ শিশুবোৰক পৰিৱেশ দিৱসৰ প্ৰতি সচেতনতা বৃদ্ধি কৰাৰ লগতে বৃক্ষ ৰোপণৰ প্ৰতিও সজাগতা সৃষ্টি কৰে ৷
টিংখাঙত বিশ্ব পৰিবেশ দিৱস উদযাপন