জনীয়া, 2 অক্টোবৰ: "মই ঘৰলৈ অহালৈ তাই কান্দি আহিছিল ৷ মই কিয় কান্দিছে বুলি সোধাত তাইৰ কান্দোন বন্ধ হ’ল ৷ তাৰ পিছতে মই বজাৰলৈ বুলি ওলাই গ’লো ৷ কিন্তু বজাৰৰ পৰা আহি পোৱাৰ পিছতে মই ভাত খাম বুলি হাত-ভৰি ধোৱাৰ পিছতে চাওঁ যে মোৰ পত্নী ঘৰত নাই ৷ মই মোৰ কন্যাক সুধিছিলো মা ক’লৈ গ’ল ? তেতিয়া মোক নাজানো বুলি কয় ৷ মোৰ পত্নীয়ে ভাতৰ ডেক্সি, কেৰাহী, কাপোৰ-কানি, বিচনাৰ কাপোৰ পৰ্যন্ত লৈ ঘৰৰ পৰা ওলাই যায় ৷" নিজ পত্নীক বিচাৰি নাপাই হিয়া ধাকুৰি কান্দিছে ছমিৰ আলী নামৰ এজন লোকে (Woman missing at Kalgachia) ৷
বৰপেটা জিলাৰ কলগাছিয়া আৰক্ষী থানাৰ অন্তৰ্গত বালিকুৰি গাঁৱত যোৱা 25 ছেপ্টেম্বৰ তাৰিখে মানিকজান নামৰ এগৰাকী 54 বছৰীয়া মহিলাই ঘৰৰ সা-সম্পত্তি লৈ পলায় যায় (Wife missing case in Barpeta) ৷ তাৰ পিছৰে পৰা ঘৰৰ লোকে কোনো সন্ধান পোৱা নাই মানিকজানৰ ৷
নিৰুদ্দিষ্ট পত্নীক বিচাৰি হাহাকাৰ স্বামী উল্লেখযোগ্য যে, ঘৰুৱা বিবাদক কেন্দ্ৰ কৰি মানিকজান নামৰ মহিলা গৰাকীয়ে ঘৰৰ কোনোৱে নজনাকৈ পুৱাৰ ভাগত কিছু বাচন বৰ্তন, লাগতিয়াল সামগ্ৰী আৰু নথি-পত্ৰ লৈ গুচি যায় ৷ ইতিমধ্যে পৰিয়ালৰ লোকে বিভিন্ন ঠাইৰ লগতে সকলো আত্মীয় স্বজনৰ ঘৰত বিচাৰ খোচাৰ কৰিও মানিকজানৰ খবৰ উলিয়াবলৈ পৰা নাই ৷
অৱশেষত দুৰ্ভগীয়া স্বামীয়ে কান্দি কান্দি পত্নীৰ সন্ধান বিচাৰি সংবাদ মাধ্যমৰ কাষ চাপিছে ৷ যদি কোনো সদাশয় ব্যক্তিয়ে মহিলাগৰাকীক দেখা পাই তেন্তে 7604858327 নম্বৰত নাইবা ওচৰতে থকা আৰক্ষী থানাত যোগাযোগ কৰিবলৈ আহ্বান জনাইছে পৰিয়ালৰ লোকে ৷ ইতিমধ্যে পত্নী নিখোজ হোৱাৰ সন্দৰ্ভত স্থানীয় আৰক্ষী থানাত এজাহাৰ দাখিল কৰিছে স্বামীৰ পৰিয়ালৰ লোকে (Case registered for wife missing case) ৷
মানিকজানে কি খাইছে, ক’ত আছে, কেনেকৈ আছে এই চিন্তাই টোপনি হৰিছে স্বামী ছমিৰৰ ৷ পত্নী অবিহনে কেনেকুৱা অনুভৱ হৈছে ব্যক্ত কৰিব নোৱাৰি অন কেমেৰা হুকহুকাই কান্দে ছমিৰে ৷
লগতে পঢ়ক:পুনৰ ভয়াৱহ দুৰ্ঘটনাৰ পৰা ৰক্ষা পৰিল এখন ফেৰী
