স্পৰ্টছ ডেস্ক , ১৯ জানুৱাৰী : অষ্ট্ৰেলিয়াৰ বিৰুদ্ধে ভাৰতৰ চতুৰ্থখন টেষ্ট জয়ৰ পিছতে বিচিচিআইৰ গুৰুত্বপূৰ্ণ ঘোষণা । অন্তিমখন টেষ্টত বিজয় সাব্য়স্ত কৰি "ব'ৰ্ডাৰ গাভাস্কাৰ" ট্ৰফী নিজৰ হাতলৈ অনা ভাৰতীয় দলটোক ৫ কোটি টকাৰ ব'নাছ দিয়াৰ ঘোষণা কৰে বৰ্ড অব কন্ট্ৰল ফৰ ক্ৰিকেট ইন ইণ্ডিয়া চমুকৈ বিচিচিআইয়ে ।
বিচিচিআইৰ অধ্য়ক্ষ তথা ভাৰতীয় দলৰ প্ৰাক্তন অধিনায়ক সৌৰভ গাঙ্গুলী আৰু সচিব জয় শ্বাহে অষ্ট্ৰেলিয়া দলৰ বিৰুদ্ধে ভাৰতীয় দলৰ এই 'ঐতিহাসিক জয়'ৰ পিছতে টুইট কৰি ব'নাছৰ কথা ঘোষণা কৰে । দুয়োগৰাকীয়ে ভাৰতীয় দলটোক শুভেচ্ছা জ্ঞাপন কৰাৰ লগতে দেশবাসী তেওঁলোককলৈ গৌৰৱান্বিত বুলিও জনাই ।