স্পৰ্টছ ডেস্ক, 29 অক্টোবৰ : ভাৰতৰ প্ৰাক্তন অধিনায়ক মহেন্দ্ৰ সিং ধোনী আৰু 2011 চনৰ বিশ্বকাপ কোনে পাহৰিব পাৰে ? মহেন্দ্ৰ সিং ধোনিৰ নাম যেতিয়াই লোৱা হ'ব তেতিয়াই ইয়াৰ লগতে 2011 চনৰ এদিনীয়া বিশ্বকাপৰ চূড়ান্ত খেলখনৰ ছয় আৰু ট্ৰফীও মনলৈ আহিব ৷ শেহতীয়া এক সাক্ষাৎকাৰতো ধোনীয়ে এই মুহূৰ্তবোৰৰ কথা উল্লেখ কৰিছে ৷ ধোনীক কেৰিয়াৰৰ যিকোনো বিশেষ মুহূৰ্তৰ কথা সোধাত তেওঁ 2011 চনৰ বিশ্বকাপৰ ফাইনেল মেচৰ কথা উল্লেখ কৰে ৷
তেওঁ কয় যে, "মোৰ কেৰিয়াৰৰ সৰ্বোত্তম মুহূৰ্ত আছিল 2011 চনৰ বিশ্বকাপ জয় কৰাৰ পূৰ্বৰ 20 মিনিট ৷ যেতিয়া ভাৰত যে জয়ী হ’ব সেয়া প্ৰায় নিশ্চিত হৈ পৰিছিল ৷ তাৰ পাছত ৱাংখেড়ে ষ্টেডিয়ামৰ সকলো দৰ্শকে ‘বন্দে মাতৰম’ গাবলৈ আৰম্ভ কৰিলে ৷ সেইটো তেতিয়াৰ এক বিশেষ অনুভৱ আছিল ৷ স্পষ্টভাৱে যেতিয়া হাজাৰ হাজাৰ দৰ্শকে সেই মুহূৰ্তটোৰ বাবে অপেক্ষা কৰি থাকে আৰু আপুনি সেয়া কৰি দেখুৱাইছে, তেতিয়া এই মুহূৰ্তত অনুৰাগীসকল ৰোমাঞ্চিত হৈ পৰে ৷