স্পৰ্টছ ডেস্ক, ২৬ মে': সোমবাৰে সমগ্ৰ ভাৰততে পালন কৰা হয় ইছলাম ধৰ্মাৱলম্বী লোকৰ পৱিত্ৰ উৎসৱ ঈদ-উল-ফিতৰ । ঈদ উপলক্ষ্য ভাৰতীয় ক্ৰিকেট দলৰ দ্ৰুতবেগী বলাৰ মহম্মদ শ্বামীয়ে সকলোকে ঈদৰ শুভেচ্ছা জ্ঞাপন কৰি ভাৰতীয় ক্ৰিকেট দলৰ মুখ্য প্ৰশিক্ষক ৰবি শাস্ত্ৰীলৈ প্ৰেৰণ কৰে বিৰিয়াণীৰ লগতে বহু কেইটা সামগ্ৰী । টুইটাৰ যোগে এই কথা উল্লেখ কৰে খেলুৱৈগৰাকীয়ে ।
খেলুৱৈগৰাকীয়ে টুইটাৰত উল্লেখ কৰি কয়, ৰবি ভাই আপোনাৰ চেৱেই, খীৰ আৰু মটন বিৰিয়াণী কুৰিয়াৰৰ যোগেদি পঠিয়াই দিছো । অলপ সময়ৰ পাচতেই গৈ পাব । সেই প'ষ্টটোতে খেলুৱৈগৰাকীয়ে বিৰিয়াণী আৰু খীৰৰ ফটোও শ্বেয়াৰ কৰে । ইয়াৰ পূৰ্বে সকলোকে ঈদৰ শুভেচ্ছা জ্ঞাপন কৰি আল্লাই সকলোৰে সপোন আশাসমূহ বাস্তৱায়িত কৰে তাৰে কামনা কৰি এক টুইট প্ৰদান কৰিছিল শ্বামীয়ে ।