IIST আৰু The Delft University of Technologyৰ মাজৰ বুজাবুজি চুক্তিত কেবিনেটৰ অনুমোদন

নেশ্যনেল ডেস্ক, ৫ আগষ্ট: কেন্দ্ৰীয় কেবিনেটে বুধবাৰে ভাৰতীয় মহাকাশ বিজ্ঞান আৰু প্ৰযুক্তি প্ৰতিষ্ঠান(Indian Institute of Space science and Technology) আৰু ডেলফ্ট ইউনিভাৰ্চিটি অৱ টেকন'ল'জি(Delft University of Technology)ৰ মাজৰ বুজাবুজি চুক্তিত অনুমোদন জনায় । দুয়োখন প্ৰতিষ্ঠানৰ শিক্ষাৰ্থী আৰু শিক্ষকক লৈ চলিত বৰ্ষৰ ৯ এপ্ৰিল আৰু ১৭ মে'ত স্বাক্ষৰিত এই বুজাবুজিৰ চুক্তি শৈক্ষিক কাৰ্যসূচী আৰু গৱেষণা কাৰ্যকলাপ সম্পাদন কৰাৰ বাবে অনুমোদন জনাইছে কেবিনেটে । এই বুজাবুজি চুক্তি অনুসৰি, ছাত্ৰ বিনিময় কাৰ্যসূচীৰ অধীনত স্নাতক, স্নাতকোত্তৰ আৰু ডক্টৰেট পৰ্যায়ৰ শিক্ষাৰ্থীয়ে দুয়োখন প্ৰতিষ্ঠানতে অধ্যয়ন কৰাত সুবিধা হ'ব । দুয়ো পক্ষই এই কাৰ্যসূচীৰ অধীনত কৰিবলগীয়া অধ্যয়ন আৰু ক্ৰেডিটৰ ক্ষেত্ৰবোৰ নিৰ্ণয় কৰিব ।

দুয়োটা পক্ষই সন্মত হয় যে, স্নাতকৰ পাঠ্যক্ৰম অধ্যয়নৰ বাবে প্ৰেক্টিচিয়াম বিনিময় কাৰ্যসূচীত হোষ্টিং অংশীদাৰৰ শৈক্ষিক প্ৰণালী আৰু নিয়মাৱলী মানি চলিব লাগিব । এক প্ৰেছ বিজ্ঞপ্তিত উল্লেখ কৰা মতে, বুজাবুজি চুক্তি অনুসৰি, শিক্ষাৰ্থীসকল দুয়োখন প্ৰতিষ্ঠানৰ পৰা দুটা বিষয়ত স্নাতক ডিগ্ৰী লাভ কৰিব পাৰিব । প্ৰথম স্নাতক ডিগ্ৰী গৃহ প্ৰতিষ্ঠানৰ দ্বাৰা প্ৰদান কৰা হ'ব । ইণ্টাৰ্ণশ্বিপ আৰু প্ৰকল্পৰ কাম, লগতে শিক্ষক বিনিময় আৰু যুটীয়া গৱেষণাও আদিৰ প্ৰসংগও বুজাবুজি চুক্তিত উত্থাপন কৰা হৈছে ।

প্ৰেছ বিজ্ঞপ্তিত প্ৰকাশ কৰা মতে, এই চুক্তি স্বাক্ষৰ কৰাৰ বাবে শিক্ষাৰ্থী আৰু গৱেষকৰ আদান-প্ৰদান, বিভিন্ন তথ্য লাভ কৰাত সহায়ক হ'ব ।

এই চুক্তিয়ে ই ডব্লিউ আই(EWI), ডেলফ্ট ইউনিভাৰ্চিটি অৱ টেকন'ল'জি, নেডাৰলেণ্ডৰ ডাটছ ৰাজহুৱা প্ৰযুক্তিবিদ্যা বিশ্ববিদ্যালয়ৰ মাজত গৱেষণাৰ ক্ষেত্ৰত সহযোগিতা বৃদ্ধিত সহায় কৰিব । সেয়েহে, দেশৰ সকলো শ্ৰেণীৰ লোক উপকৃত হ'ব বুলি আশা কৰা হৈছে । এই চুক্তিখনে বিজ্ঞান আৰু প্ৰযুক্তিৰ ক্ষেত্ৰত নতুন গৱেষণা কাৰ্যকলাপৰ সম্ভাৱনাৰ বিষয়ে অধ্যয়ন কৰিবলৈ সহায় কৰিব বুলি চুক্তিখনত উল্লেখ কৰা হৈছে ।

লগতে পঢ়ক:ভাৰতৰ প্ৰথম সৌৰ মহাকাশ অভিযানত ARIESয়ে সহায় কৰিব ISROক