চিটাৰা ডেস্ক, 31 মাৰ্চ: গ্ল’বেল ষ্টাৰ প্ৰিয়ংকা চোপ্ৰাৰ অনুৰাগীৰ বাবে এটা ভাল খবৰ । বলীউড সন্দৰ্ভত শেহতীয়াকৈ চাঞ্চল্যকৰ মন্তব্য প্ৰকাশৰ পিচত এতিয়া কন্যা মালতী মেৰী চোপ্ৰা জ’নাছ আৰু স্বামী নিক জ’নাছৰ সৈতে নিজৰ জন্মভূমি ভাৰতলৈ উভতি আহিছে প্ৰিয়ংকা চোপ্ৰা (Priyanka Chopra in India)। শুকুৰবাৰে (৩১ মাৰ্চ) পৰিয়ালৰ সৈতে মুম্বাইত উপস্থিত হয় প্ৰিয়ংকা (Priyanka Chopra Nick Jonas arrive in India) ।
এইখিনিতে উল্লেখ কৰিব লাগিব যে, প্ৰিয়ংকা চোপ্ৰা প্ৰথমবাৰৰ বাবে কন্যা মালতী মেৰী চোপ্ৰা জ’নাছৰ সৈতে ভাৰতলৈ আহিছে । এনে পৰিস্থিতিত মালতীও প্ৰথমবাৰৰ বাবে মাতৃৰ ফালৰ পৰা আইতাক মধু চোপ্ৰাৰ ঘৰলৈ আহিছে । গোলাপী ৰঙৰ থাই হাই স্লিট ড্ৰেছ পৰিধান কৰি ভাৰতত উপস্থিত হৈছে প্ৰিয়ংকা চোপ্ৰা, আনহাতে মালতীয়ে পৰিধান কৰিছে ধুনীয়া ফ্ৰক (Priyanka Chopra Nick Jonas in india) ।
সম্প্ৰতি ছ’চিয়েল মিডিয়াত প্ৰিয়ংকা চোপ্ৰাৰ ভাৰতলৈ অহাৰ খবৰ দ্ৰুতগতিত বিয়পি পৰিছে । বিমানবন্দৰত জ’নাছ পৰিয়ালৰ চাৱনি দেখা গৈছে । বিমানবন্দৰৰ পৰা ভাইৰেল হোৱা প্ৰিয়ংকাৰ ভিডিঅ’ আৰু ফটোবোৰে আকৰ্ষিত কৰিছে পিচিৰ অনুৰাগীক (Priyanka Chopra Nick Jonas daughter in India) ৷