চিটাৰা ডেস্ক, 23 অক্টোবৰ: উৰ্ফী জাভেদ প্ৰায়ে নিজৰ অস্বাভাৱিক সাজ-পোছাকৰ বাবে বাতৰিৰ শিৰোনামত থাকে । উৰ্ফী জাভেদৰ অদ্ভুত ফেশ্বন চেন্সৰ বাবেই উৰ্ফীয়ে জনপ্ৰিয়তা লাভ কৰিছে ৷ অৱশ্যে বাস্তৱ জীৱনত উৰ্ফী জাভেদ অতি সাহসী । নিজৰ মন্তব্যৰ পৰা কেতিয়াও পিছুৱাই নাথাকে উৰ্ফী ৷ প্ৰায়ে দেশৰ যিকোনো ডাঙৰ বিষয়ত মাত মাতি আহিছে উৰ্ফীয়ে ৷
কিন্তু বহু সময়ত উৰ্ফীক ছ’চিয়েল মিডিয়াত তেওঁ সাজ-পাৰৰ বাবে ট্ৰ’ল কৰা হয় । অৱশ্যে উৰ্ফীয়ে এইবোৰ সমালোচনাক গুৰুত্ব নিদিয়ে । আনকি কেতিয়াবা উৰ্ফীয়েও ট্ৰলাৰসকলক উপযুক্ত উত্তৰো দিয়া পৰিলক্ষিত হয় । কিন্তু শেহতীয়াকৈ উৰ্ফী জাভেদ নিজৰ ড্ৰেছিং চেন্সৰ বাবে সকলোৰে পৰা প্ৰশংসা লাভ কৰিছে । আচলতে উৰ্ফী জাভেদে এযোৰ নৰ্মেল ড্ৰেছ পৰিধান কৰিছিল, য’ত উৰ্ফীক অতি ধুনীয়া দেখা গৈছিল । উৰ্ফী জাভেদে বহুৰঙী ক্ৰপ-টপৰ সৈতে এটা দীঘল স্কাৰ্ট পৰিধান কৰিছিল, যিটো ছ’চিয়েল মিডিয়া ব্যৱহাৰকাৰীয়ে প্ৰশংসা কৰিছিল ।
ছ’চিয়েল মিডিয়াত প্ৰতিদিনে ভাইৰেল হোৱা দেখা যায় উৰ্ফী জাভেদৰ ছবি আৰু ভিডিঅ’ । উৰ্ফী জাভেদেও নিজৰ ইনষ্টাগ্ৰাম একাউণ্টত বহু ফটো শ্বেয়াৰ কৰে আৰু কেতিয়াবা পাপাৰাৎজীৰ নিজৰ কেমেৰাত বন্দী কৰে উৰ্ফীক জাভেদক ৷ উৰ্ফীক প্ৰায়ে পাপাৰাৎজীয়ে নিজৰ কেমেৰাত বন্দী কৰে।
এতিয়া উৰ্ফী জাভেদৰ এটা নতুন ভিডিঅ’ প্ৰকাশ পাইছে, য’ত তেওঁক থানালৈ যোৱা দেখা গৈছে । উৰ্ফীৰ এই ভিডিঅ’টো কেইবাটাও পাপাৰাৎজী একাউন্টে ছ’চিয়েল মিডিয়াত শ্বেয়াৰ কৰিছে ৷