চিটাৰা ডেস্ক, 11 মে’: অৱশেষত মুক্তি লাভ কৰিলে অসমৰ জনপ্ৰিয় অভিনেতা ৰবি শৰ্মাৰ বহু প্ৰত্যাশিত ছবি ‘শ্ৰী ৰঘুপতি’ৰ ট্ৰেইলাৰ (Shri Raghupati trailer out) ৷ 10 মে’ত ছবিখনৰ ট্ৰেইলাৰ মুক্তি লাভ কৰাৰ কথা আছিল (Ravi Sarmahs film Raghupati) ৷ কথা মতেই কাম ৷ বুধবাৰে অৰ্থাৎ 10 মে’ত মুক্তি লাভ কৰিলে ‘শ্ৰী ৰঘুপতি’ৰ ট্ৰেইলাৰ ৷ ইউটিউব চেনেল ROOTSTOCK ENTERTAINMENT ত মুকলি কৰা হৈছে ছবিখনৰ ট্ৰেইলাৰ ৷
12 ঘন্টা পূৰ্বে ইউটিউবত মুক্তি পোৱা শ্ৰী ৰঘুপতিৰ ট্ৰেইলাৰে ইতিমধ্যেই লাভ কৰিছে 94 হাজাৰ লাইক ৷ ছবিখনৰ ট্ৰেইলাৰত শক্তিশালী ৰূপত দেখা পোৱা গৈছে ৰবি শৰ্মাক (Film Raghupati) ৷ এটা আত্মহত্যাৰ গোচৰৰ সন্ধানত থকা দেখা যায় ৰবি শৰ্মাক ৷ আনহাতে ছবিখনত অভিনেত্ৰী প্ৰিয়ম পল্লৱীকো এটা গুৰুত্বপূৰ্ণ চৰিত্ৰত অভিনয় কৰা দেখা ৷ এগৰাকীয় শিক্ষয়িত্ৰীৰ ৰূপত দেখা পোৱা যায় অভিনেত্ৰীগৰাকীক ৷ ইফালে অভিনেত্ৰী প্ৰীতি কংগনাক দেখা যায় ৰঘুপতিৰ প্ৰেমিকাৰ ৰূপত (Preety Kongana in Raghupati) ৷
মুঠৰ ওপৰত বহু প্ৰত্যাশিত ছবিখনে বাৰুকৈ আকৰ্ষিত কৰিছে অনুৰাগীক ৷ ছবিখনৰ ট্ৰেইলাৰ দেখি বহু সামাজিক মাধ্যম ব্যৱহাৰকাৰীয়ে কমেন্ট কৰা দেখা যায় ৷ এগৰাকী ব্যৱহাৰকাৰীয়ে লিখিছে, অসমীয়া চিনেমাৰ হৈ সদায় আছোঁ, ট্ৰেইলাৰটো চাই সঁচাই বহুত ভাল লাগিল, চিনেমাখন blockbuster হওক.. জয় ৰঘুপতি । আন এজনে লিখিছে, চিনেমাখন যাতে বিশ্বৰ সকলো দেশতেই চলে তাৰেই কামনা কৰিলো । অধীৰ আগ্ৰহেৰে বাট চাই ৰ'লো (Ravi Sarmah new movie) ।